قازاقستان رەسپۋبليكاسى تۇڭعىش پرەزيدەنتى كۇنى قارساڭىندا جوعارى كولىك جانە كوممۋنيكاتسيا كوللەدجىندە كاسىپتىك-تەحنيكالىق ءبىلىم سالاسى ستۋدەنتتەرىنىڭ اراسىندا ءVىىى ءداستۇرلى «ەلىن سۇيگەن, ەلى سۇيگەن ەلباسى» اتتى قالالىق جاس اقىندار ءمۇشايراسى ءوتتى.
وnline فورماتتا ۇيىمداستىرىلعان ءمۇشايرا «ەلباسىنىڭ ساياسي قىزمەتى» اتتى بەينەروليكپەن باستالدى. نۇر-سۇلتان قالاسى ءبىلىم باسقارماسىنىڭ باسشىسى شولپان قادىروۆا قاتىسۋشىلارعا جىلى لەبىزىن ارنادى. كوللەدج ديرەكتورى, نۇر-سۇلتان قالاسى ءماسليحاتىنىڭ دەپۋتاتى, ساياسي عىلىمدار دوكتورى زۋلفۋحار عايىپوۆ جاس اقىندارعا ساتتىلىك تىلەدى. بۇل ءمۇشايرا كوللەدجدە ءداستۇرلى تۇردە جىل سايىن وتكىزىلەتىنىن, ال قالالىق دەڭگەيدە ەكىنشى رەت ۇيىمداستىرىلىپ وتىرعانىن اتاپ ءوتتى.
جىر دوداسىنا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى, فيلولوگيا عىلىمدارىنىڭ دوكتورى جانات اسكەربەكقىزى, نۇر-سۇلتان قالاسى تەحنيكو-ەكونوميكالىق كوللەدج ديرەكتورىنىڭ ورىنباسارى مۇڭسىزباي دۇيسەنۇلى, «مادەنيەت سالاسىنىڭ ۇزدىگى» توسبەلگىسىنىڭ يەگەرى, حالىقارالىق, رەسپۋبليكالىق بايقاۋلاردىڭ لاۋرەاتى نۇربولات سەيىتقاليۇلى, جوعارى كولىك جانە كوممۋنيكاتسيا كوللەدجىنىڭ قازاق ءتىلى جانە ادەبيەتى كافەدراسىنىڭ مەڭگەرۋشىسى گۇلجىبەك قارتايقىزى قازىلىق ەتتى.
مۇشايراعا نۇر-سۇلتان قالاسىنىڭ 10 كوللەدجىنەن 26 جاس اقىن قاتىستى. قورىتىندىسىندا باس جۇلدەنى ورازاي مۇحامات (جوعارى كولىك جانە كوممۋنيكاتسيا كوللەدجى) يەلەندى.
