«Elorda Aqparat» جشس-كە قاراستى «Astana اqshamy» مەن «ۆەچەرنيايا استانا» گازەتتەرىنىڭ 30 جىلدىعى اياسىندا جۋرناليستەر اراسىندا شاعىن فۋتبولدان باق ليگانىڭ VII ماۋسىمى باستالدى. وندا 16 كوماندا چەمپيوندىق اتاقتى ساراپقا سالادى.
24 قاراشادان باستاۋ العان بىرىنشىلىك 2020 جىلدىڭ ءساۋىر ايىنا دەيىن جالعاسپاق. ۇيىمداستىرۋشىلار 16 كوماندانى ا جانە ب ليگاسىنا تەڭ ءبولدى.
ا ليگاسى: National Geographic Kazakhstan, Kazakhnews.kz, Egemen Qazaqstan, قازمەديا, حابار, سپورت 59, Qazaq radiolary, استانا تۆ.
ب ليگاسى: مازمۇنداما, Elorda Aqparat, قورعانىس مينيسترلىگى, قالامگەر, Qsport.kz, Qazsport, Aiqyn-ليتەر, حابار 24.
قازاق فۋتبولىنىڭ اڭىزىنا اينالعان سەيىلدا بايشاقوۆ, «Elorda Aqparat» جشس ديرەكتورى جارقىن ءجۇمادىلوۆ, «ەگەمەن قازاقستان» باسىلىمىنىڭ باسشىسى دارحان قىدىرالى جۋرناليستەر دوداسىنىڭ اشىلۋ سالتاناتىنا قاتىسىپ, جىلى لەبىزدەرىن ءبىلدىردى.
– «Elordaاqparat»-قا قاراستى نۇر-سۇلتان قالاسىنىڭ قوس گازەتى «استانا اقشامى» مەن «ۆەچەرنيايا استانانىڭ» 30 جىلدىعى اياسىندا وتكىزىلەتىن بۇل ماۋسىم دا وزىندىك ەرەكشەلىگىمەن, قىزىقتى ساتتەرىمەن ەستە قالادى دەپ سەنەمىن. ەل گازەتى «ەگەمەن قازاقستان» 100 جىلدىعىنىڭ اياسىندا ليگاعا دەمەۋ بولىپ, بىزگە ۇلگى كورسەتتى. اعا باسىلىمنان ەستافەتانى ءبىز قابىل الدىق. «Elorda Aqparat» تۋرنيرگە قاتىسىپ قانا قويماي, جارىستاعى جولىن «ءوزىمىزدىڭ تۋرنير!» دەگەن ماقتانىشپەن باستادى, – دەيدى جارقىن جۇمادىلوۆ.
العاشقى تۋردا «Elorda Aqparat» ۇجىمى ەلىمىزدىڭ باستى سپورت ارناسى Qazsport ۇجىمىمەن سىنعا ءتۇسىپ, 10:1 ەسەبىمەن جەڭدى. كوماندامىزدىڭ ساپىنان ەرنار ساتانوۆ بەس گولىمەن كوزگە تۇسسە, بەكساتتار ساتتار مەن مادي يسكاكوۆ دۋبل, ايان بەكجانۇلى ءبىر دوپتىڭ اۆتورى اتاندى.
بەكساتتار ساتتار
