2017 جىلدىڭ قورىتىندىسى بويىنشا جۇرگىزىلگەن اكىمدەر رەيتينگىندە استانا قالاسىنىڭ اكىمى اسەت يسەكەشەۆ توپ باستادى.
«ستراتەگيا» ساياسي جانە الەۋمەتتىك زەرتتەۋلەر ورتالىعىنىڭ ساراپشىلار توبى بۇل نوميناتسيادا ۇزدىك دەپ تانىلعان تۇلعانى انىقتاۋ بارىسىندا بىرنەشە پوزيتسيانى باعالادى. اكىمدەردىڭ جۇمىسىن باعالاۋعا ەلىمىزدىڭ ءار وڭىرىنەن 29 ساراپشى قاتىسقان جانە زەرتتەۋ بارىسىندا 5 كريتەري بويىنشا 7 بالدىق جۇيەمەن انىقتالعان. ناقتى ايتقاندا, اكىمنىڭ اتقارعان جۇمىسىنا حالىقتىڭ كوڭىلى تولۋى, ەكونوميكالىق جانە ىشكى ساياسي جاعدايلاردى باسقارۋى, اقپاراتتىڭ اشىقتىعى (الەۋمەتتىك جەلىلەردەگى) جانە اكىمنىڭ ساياسي بەلسەندىلىگى.
جۇرگىزىلگەن زەرتتەۋگە سايكەس, ساراپشىلار اكىمدەردىڭ جۇمىسىن ورتا جانە ورتادان جوعارى دەپ باعالادى. ولار رەسپۋبليكالىق ماڭىزى بار استانا جانە الماتى قالالارىنىڭ باسشىلارىنا ەڭ جوعارى باعا بەردى.
سونىمەن, اكىمدەردىڭ ءتيىمدى جۇمىسى بويىنشا ءبىرىنشى ورىن ەلوردا اكىمى اسەت يسەكەشەۆكە بۇيىردى (4,93 بالل). قالا باسشىسىنىڭ ەكونوميكالىق جاعدايدى باسقارۋى ( 1-ورىن; 5,08 بالل), تۇرعىنداردىڭ اكىم جۇمىسىنا قاناعاتتانۋى (1-ورىن; 4,62 بالل) جانە اقپاراتتىق اشىقتىعىنا (1-ورىن; 5,32 بالل) جوعارى باعا بەرىلدى.
ەكىنشى ورىنعا جەرگىلىكتى بيلىكتى باسقارۋ قۇرىلىمىنداعى مۇمكىندىگى جاعىنان الماتى قالاسىنىڭ اكىمى باۋىرجان بايبەك جايعاستى. ال ءۇشىنشى ورىندى يەلەنگەن قىزىلوردا وبلىسىنىڭ اكىمى قىرىمبەك كوشەرباەۆ ساياسي جاعدايلاردى ءتيىمدى باسقارۋمەن كوزگە تۇسكەن.
