ەلوردالىق جۇزگىشتەر ەرلەدى
اتىراۋ قالاسىندا ءجۇزۋ سپورتىنان «كوڭىلدى دەلفين» رەسپۋبليكالىق جارىسىنىڭ ءبىرىنشى كەزەڭى ءوتتى. بۇل جارىستا استانا قالاسىنىڭ №4 بالالار مەن جاسوسپىرىمدەر سپورت مەكتەبىنىڭ ءجاسوسپىرىم سپورتشىلارى كوماندالىق ەسەپتە ءبىرىنشى ورىندى جەڭىپ الدى.
جارىستىڭ ءبىرىنشى كۇنى قىزدار مەن ۇلداردىڭ بىرلەسكەن ەستافەتاسىندا استانا جۇزۋشىلەرى جەڭىسكە جەتتى, ۇلدار اراسىنداعى 200 مەترگە كەشەندى ءجۇزۋ, 50 جانە 100 مەترگە براسس جارىسىندا ارسەن قوجاحمەتوۆ ءۇش التىن مەدال جەڭىپ الدى. ۇلدار اراسىنداعى ەستافەتا باسەكەسىندە دە استانالىقتار چەمپيون اتاندى. قۇرامىندا جانىبەك ءماجيت, ءمادي اشىمباەۆ, الەكساندر جۋربين, ارسەن قوجاحمەتوۆ, مارينا دەمەنتەۆا, دانيەلا گەرشەۆيچ, دايانا كوكۋمباەۆا جانە اياۋلىم جانۇزاق سىندى ءجاسوسپىرىم جۇزۋشىلەرى بار ەلوردالىقتارعا ەشكىم جەتە المادى. سونداي-اق استانالىق بالعىن جۇزۋشىلەر جەتى كۇمىس, ءتورت قولا مەدال جەڭىپ الدى.