تاۋەلسىزدىك مەرەكەسى قارساڭىندا استانا قالاسىنىڭ اكىمى يمانعالي تاسماعامبەتوۆ ەلىمىزدىڭ الەۋمەتتىك-ەكونوميكالىق جانە مادەني سالاسىنا ەڭبەك سىڭىرگەن, ۇلتتار اراسىنداعى ىنتىماقتاستىق پەن دوستىقتى نىعايتۋعا ۇلەس قوسقان ءبىر توپ ازاماتتارعا جوعارى مەملەكەتتىك ماراپاتتاردى تاپسىردى.
جينالعان قاۋىمدى تاۋەلسىزدىك كۇنىمەن قۇتتىقتاعان قالا اكىمى وسىدان 22 جىل بۇرىن قازاقستان تاۋەلسىز دامۋ جولىن تاڭداپ, اتا-بابامىزدىڭ عاسىرلار بويى اڭساعان ارمانى اقيقاتقا اينالعانىنا توقتالدى.
– تاۋەلسىزدىككە جەتۋ بار دا, ونى ايالاپ, باپتاۋ بار, ەلدىڭ سەنىمىن اقتاۋ بار. مىنە, وسىناۋ جاۋاپتى دا تاريحي ساتتە تاعدىر بىزگە كورەگەن كوشباسشى سىيلادى. وسىلايشا, ءبىز ەلباسى باستاپ, ەل بولىپ قوشتاپ, دامۋدىڭ دۇرىس جولىن تاڭدادىق. پرەزيدەنتتىڭ تەرەڭ ساياساتى مەن پايىمدى پاراساتىنىڭ ارقاسىندا بۇگىندە مەملەكەتىمىز الەمدىك قاۋىمداستىقتىڭ بەدەلدى مۇشەسىنە اينالدى. ءسوز جوق, وسىنداي الىپ ءۇردىستىڭ وڭ بولۋىنا ەڭبەگىمەن دە, ەرلىگىمەن دە تىكەلەي سەبەپشى بولعان ازاماتتارىمىز جەتەرلىك. سولاردىڭ ءبىر توبى – سىزدەرسىزدەر. ەل ەڭبەكتەرىڭىزدى جوعارى باعالاپ, بۇگىن مىنە, ەلباسىنىڭ جارلىعىمەن جوعارى مەملەكەتتىك ماراپاتقا يە بولىپ وتىرسىزدار, – دەدى يمانعالي نۇرعاليۇلى.
سونىمەن مەملەكەت باسشىسى اتىنان قالا اكىمىنىڭ قولىنان ماراپات العانداردىڭ ءبىرى – استانا قالاسى ىشكى ىستەر دەپارتامەنتىنىڭ باسشىسى امانتاي اۋباكىروۆ ءىى دارەجەلى «داڭق» وردەنىمەن ماراپاتتالدى. ال, «پاراسات» وردەنى بەلگىلى جازۋشى تولەن ابدىككە, استانا قالاسى دەنساۋلىق ساقتاۋ سالاسىنىڭ ارداگەرى قارشىعا قۇلمۇقانوۆقا جانە ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى قويشىعارا سالعاراۇلىنا بەرىلدى.
ءىى دارەجەلى «دوستىق» وردەنىن «تاڭ» تاتار-باشقۇرت مادەني ورتالىعى توراعاسىنىڭ ورىنباسارى رافايل ابلاكوۆ ەنشىلەدى.
«قۇرمەت» وردەنى بەلگىلى عالىم مىرزاگەلدى كەمەل مەن جازۋشى قاجىعالي مۇحانبەتقاليۇلىنا, «كالىك ترانس» جشس باس ديرەكتورى تايجان ايحىمبەكوۆكە, «بەيبىتشىلىك جانە كەلىسىم سارايى» مكقك باس ديرەكتورى ديلبار اميروۆاعا, «ەلوردالىق بوكس فەدەراتسياسى» قب ۆيتسە-پرەزيدەنتى داۋرەن باشيكوۆقا, «ەلوردا اسحاناسى» جشس ديرەكتورى جانات بەكبولاتوۆاعا, «بەكزات» فيرماسى» جشس ديرەكتورى ەسەنجول بەكىشەۆكە, «استانا» كورپوراتيۆتىك قورىنىڭ ديرەكتورى گۇلنار دانباەۆاعا, استانا قالاسى تابيعي رەسۋرستار جانە تابيعاتتى پايدالانۋدى رەتتەۋ باسقارماسى باسشىسىنىڭ ورىنباسارى يۋسۋپ كەليگوۆكە, «Agua-rest» جشس-نىڭ كوممەرتسيالىق ديرەكتورى الەكساندر كيمگە, «باحۋس استانا» جشس ديرەكتورى الماز كيمگە, «كازاحدورستروي» جشس باسقارما ءتوراعاسى تالعات قوجاحمەتوۆكە, «ۇلتتىق عىلىمي مەديتسينالىق ورتالىق» اق ءبولىم باسشىسى بولات كوپەنوۆكە, استانا قالاسى قۇرىلىس باسقارماسىنىڭ باسشىسى ۆلاديمير ليۋتوۆكە, «كازارتبرونزا» جشس باس سۋرەتشىسى مۇرات مانسۇروۆقا, استانا قالاسى جەر قاتىناستارى باسقارماسىنىڭ باسشىسى تولەۋعازى ءنۇركەنوۆكە, تاعى باسقا ازاماتتارعا تابىستالدى.
ال «ەرەن ەڭبەگى ءۇشىن» مەدالىمەن «ءبايتەرەك» حالىقارالىق مەديا-ورتالىق» جشس ديرەكتورى جانار كولباچاەۆا, «ەلوردا-جارناما» جشس باس ديرەكتورىنىڭ ورىنباسارى جانار ابىشەۆا, «استانانىڭ شارۋاشىلىق باسقارماسى» جشس باس مەنەدجەرى يۋليا ءادىلبەكوۆا, № 32 مەكتەپ-گيمنازيانىڭ ديرەكتورى ۆيكتور گرودەر, ەكونوميكا جانە بيۋدجەتتىك جوسپارلاۋ باسقارماسى باسشىسىنىڭ ورىنباسارى گۇلنار ءجۇسىپوۆا, «استانا-تەپلوترانزيت» اق قىزمەت باسشىسى راۋزا كاكەنوۆا سىندى ازاماتتار ماراپاتتالدى.
بيىل مەملەكەتتىك ناگراداعا قول جەتكىزگەندەردىڭ قاتارىندا شىنىمەن دە ۇزاق ەڭبەك جولدان وتكەن, ءومىرى وزگەگە ونەگە جاندار قاراسى مولىنان بولدى. سونداي-اق, قاراپايىم ەڭبەك ادامدارىن دا كوزىمىز شالدى. ايتالىق, «قارتتار مەن مۇگەدەكتەرگە ارنالعان مەديتسينالىق-الەۋمەتتىك مەكەمەسى» كمم سانيتارى كۇلشات دوستانوۆا, رايىمبەك باتىر اتىنداعى №50 «قازعارىش» مەكتەپ-ليتسەيىنىڭ مۇعالىمى رابيعا يمانقۇلوۆا, № 70 مەكتەپ-ليتسەيدىڭ مۇعالىمى مەرۋەرت قۋاتبەكوۆا,
«№ 1 اۆتوبۋس پاركى» اق جۇرگىزۋشىسى قانات كۇلتاەۆ «ەرەن ەڭبەگى ءۇشىن» مەدالىن تاقتى.
«قازاقستاننىڭ ەڭبەك سىڭىرگەن قايراتكەرى» قۇرمەتتى اتاعىن «قازاقستان» رترك» اق باسقارما توراعاسىنىڭ كەڭەسشىسى نۇرتىلەۋ يمانعاليۇلى, ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ ارتىستەرى بولات ىبىراەۆ جانە ەرلان مالاەۆ يەلەندى.
قىمبات توقتامۇرات
