ەلىمىزدە قر پرەزيدەنتىنىڭ جارلىعىمەن 2020 جىل – «ەرىكتىلەر جىلى» دەپ جاريالاندى. ەرىكتىلەردىڭ قوعام ءۇشىن اتقارعان ەڭبەگىن سوزبەن جەتكىزۋ مۇمكىن ەمەس. تەك وسى جىلدىڭ وزىندە ەلوردالىق ەرىكتىلەر ارىس پەن ماقتاارال اۋدانىن قالپىنا كەلتىرۋگە كومەكتەستى, پاندەميا كەزىندە مۇقتاج جاندارعا بەتپەردە, گيگيەنا زاتتارىن, ازىق-تۇلىك جيىنتىقتارىن تاراتتى, بۇعان دەيىن قازاقستان استاناسىندا حالىقارالىق ءىس-شارالاردىڭ وتۋىنە بەلسەنە اتسالىستى.
8 قىركۇيەك كۇنى قر ۇلتتىق مۋزەيىندە «ۆولونتەرلىك باستامالاردى قولداۋعا باعىتتالعان» شاعىن گرانتتار كونكۋرسىنىڭ جەڭىمپازدارىن ماراپاتتاۋ ءراسىمى ءوتتى.
«ەرىكتىلەردىڭ باستاماسىن قولداۋ ماقساتىندا گرانتتار ۇيىمداستىرعان بولاتىنبىز. كوميسسيا 200-دەن استام جوبالاردى قاراپ شىقتى. سونداي ەرەكشە باستامالاردىڭ ءبىرى – ليدەر.كز ۇسىنعان جوبا. ۆولونتەرلىك ۇيىم جوعالعان ادامداردى ىزدەيدى. ىزدەۋ جۇمىستارى ءۇشىن ولارعا درون, تەپلوۆيزور, 3 كم-گە دەيىنگى ارالىقتا كورسەتەتىن راتسيا سياقتى كومەكشى قۇرالدار كەرەك. وسى قۇرالدار ارقىلى الداعى ۋاقىتتا ۆولونتەرلەر وزدەرىنىڭ يگى ىستەرىن جۇزەگە اسىرادى دەپ ويلامىز» دەيدى نۇر-سۇلتان قالالىق جاستار ساياساتى ماسەلەلەرى باسقارماسىنىڭ باسشىسى داۋلەت كارىبەك.
بايقاۋ ناتيجەسىندە ۇزدىك دەپ تانىلعان 22 ۆولونتەرلىك ۇيىم 300 مىڭ تەڭگە كولەمىندە قارجىلاي كومەك الدى. باسقارما باسشىسىنىڭ ايتۋىنشا, بۇل ماقساتقا 6 ملن تەڭگەدەن استام قارجى بولىنگەن.
ۆولونتەرلىك ۇيىمدار العان قارجىلىق كومەكتى ءوز جوبالارىن ودان ءارى دامىتۋ ءۇشىن قاجەتتى قۇرالدار مەن جابدىقتاردى ساتىپ الۋعا باعىتتاۋى ءتيىس.
«جوبا جايلى ەسىتىپ, مەكەمەنىڭ اتىنان قاتىسۋدى ءجون كوردىم. باس جۇلدە, ەڭ جوعارعى ۇپاي جينادىق. بۇگىن ءبىز جاس بولساق, ەرتەڭ ءبىز دە قارتايامىز. سول كەزدە جاستار دا بىزگە كومەك كورسەتەدى دەپ سەنەمىن. ۇلكەن قاراجات بەرىلىپ جاتىر. بۇل سومانى سوزىلمالى اۋرۋمەن اۋىراتىن قاريالارعا كومەكتەسۋگە جۇمسايتىن بولامىز» دەدى گۇلناز نۇرجانوۆا.
شاعىن گرانت يەگەرلەرىنىڭ ءتىزىمى:
– نۇرجانوۆا گۇلناز – «كارانتين كەزىندە سوزىلمالى اۋرۋى بار قارت ادامداردى ازىق-تۇلىكپەن قامتاماسىز ەتۋ» جوباسى;
– تۋلەشەۆا امينا – «نايدي مەنيا» ىزدەستىرۋ-قۇتقارۋ جاساعى;
– تىلەۋبەك ءنۇريدىن – «قارت ادامدارعا ءموبيلدى كومەك» جوباسى;
– جىبەك شاحماردانقىزى – «انالار ۇيىندەگى جاس انالارعا پسيحولوگيالىق جانە ماتەريالدىق قولداۋ كورسەتۋ» جوباسى;
– ۇمبەتوۆا نۇردانا – ساز تەراپياسى;
– «قارجى اكادەمياسى» – «جاقسىلىق جاسا» قايىرىمدىلىق جوباسى;
– مىرزاگەلدى سۇلتان بەيبارىس – «كوپبالالى وتباسىلاردان شىققان بالالاردىڭ كومپيۋتەرلىك ساۋاتتىلىعىن دامىتۋ» جوباسى;
– سالىمگەرەەۆ ايان – «جان جىلۋى» قايىرىمدىلىق جوباسى;
– تۋلتاەۆا ولگا – ۆولونتەرلىك جۇمىس اياسىندا حابار-وشارسىز كەتكەن ادامداردى ىزدەستىرۋ, تۋىستىق بايلانىستاردى جالعاۋ قىزمەتتەرىن كورسەتەدى. پوليتسيا قىزمەتكەرلەرىمەن بىرگە قالانىڭ قۇقىقتىق ءتارتىبىنىڭ ورىندالۋىن تەكسەرۋگە شىعۋ (بەتپەردە تاراتۋ, قۇقىق بۇزۋشىلىقتاردى انىقتاۋ);
– قارابەكوۆ اعابەك – جاردەم (كومەك);
– شاريموۆ الپامىس – TAZALIKE جوباسى
– ءومىرباي ءمولدىر – «جۇرەكتى ساقتا!» جوباسى;
– جاقسىبەكوۆا اياگوز – ەكسپو-2017 ەرىكتىلەر شتابى;
– تولەشەۆ رايىمبەك – Sheksiz orta الەۋمەتتىك حوستەلى;
– ەسەمباەۆا ادەما – قولايسىز, كوپبالالى وتباسى بالالارى, سونداي-اق ينتەرناتتىق مەكەمەلەردەگى بالالار اراسىندا فۋتبول چەمپيوناتىن ۇيىمداستىرۋ;
– باپانوۆا ايگەرىم – OQU TODAY جوباسى;
– بەكەجان ايدانا – Bilim All جوباسى;
– ءاليجان تۇرسىنتاي – Barshaga Saýlyq جوباسى!;
– مۇرات جاڭگىر – «كلاب يۋنيون» كلۋبى;
– نەماتۋللا بالجان – «دارىگەر كەڭەسى»;
– شۋت پولينا – ءۇيسىز جانۋارلارعا كومەكتەسۋ ءۇشىن قايىرىمدىلىق كونتسەرتى;
– بەكسىرعاۇلى كەرىم – كاراتە-دو تەحنيكاسىنا, گيتارادا ويناۋعا جانە ماسساج جاساۋعا ۇيرەتۋ.
