ءاربىر اپتانىڭ وزىندىك قىزىعى مەن شىجىعى بار. مەن ءۇشىن اپتا باسى قيىنداۋ باستالعانىمەن, سوڭى ءساتتى بولدى. قۋانىش پەن جاقسىلىققا كۋا بولدىم. سىنىپتاستارىمنىڭ ءبىرى ەگىز بالانىڭ اكەسى اتانىپ, اق تىلەگىمىزدى بىلدىردىك. سونىمەن قاتار, تەاتردا «ايەلدەر الەمى» سپەكتاكلىنىڭ پرەمەراسىندا وينادىق. تەاتر سۇيەر قاۋىم ءۇشىن جاقسى جاڭالىعىمىز بار, ونەردىڭ قارا شاڭىراعى سانالاتىن وردامىزدا الداعى ۋاقىتتا «ءتىل تابىسقاندار» اتتى قويىلىمنىڭ پرەمەراسى بولادى.
مەن ءۇشىن اپتاداعى جاعىمدى جاڭالىقتىڭ ءبىرى – شەتەلدىك كلاسسيكا بولىپ سانالاتىن «قىمباتتى پامەللا» قويىلىمىندا باستى ءرولدىڭ بىرىندە وينايتىنىم. الدا ەلوردالىقتاردىڭ سۇيىكتى مەرەكەسى – استانا كۇنى. ايتۋلى مەرەكە قارساڭىندا جاڭا قويىلىمدارعا دايىندىق جۇرگىزۋدەمىز. وسىلايشا, ءار اپتامىز قىزۋ تىرشىلىكپەن وتۋدە.
جازىپ العان ايگۇل وزەكوۆا
