ەلوردادا ناشاقورلىق جانە ەسىرتكى بيزنەسىمەن كۇرەستە قالالىق پوليتسيا دەپارتامەنتى ۇزدىكسىز جانە بەلسەندى جۇمىستار جۇرگىزەدى. اسىرەسە, ينتەرنەت-رەسۋرستار ارقىلى ەسىرتكىنىڭ سينتەتيكالىق تۇرلەرىن قوسا العاندا, ساتۋ جانە جەتكىزۋ ارنالارى بويىنشا فاكتىلەردى انىقتاۋعا ەرەكشە نازار اۋدارىلادى.
ستانا قالاسى پوليتسيا دەپارتامەنتى ەسىرتكىگە قارسى ءىس-قيمىل باسقارماسىنىڭ باستىعى, پوليتسيا پولكوۆنيگى رۋستام گاسيزوۆتىڭ ايتۋىنشا, جىل باسىنان بەرى قالادا 739 ەسىرتكى قىلمىسى انىقتالسا, ونىڭ 107-ءسى ەسىرتكى ساتۋمەن اينالىساتىن تۇلعالارعا قاتىستى بولعان. بۇگىندە اسىرەسە, سينتەتيكالىق ەسىرتكىنىڭ زاڭسىز اينالىمى ماسەلەسى وتكىر تۇر. بيىل 9 ايدا زاڭسىز اينالىمنان 263 كەلى ەسىرتكىنىڭ ءارتۇرلى تۇرلەرى, ونىڭ ىشىندە 43,5 كەلى «سينتەتيكالىق» ەسىرتكى زاتتارى تاركىلەنگەن.
– بيىل ەلوردادا سينتەتيكالىق ەسىرتكىنى جاسايتىن 5 زەرتحانا انىقتالىپ, ولاردىڭ قىلمىسىنىڭ جولى كەسىلدى. ەلوردا تۇرعىندارى مەن قوناقتارى ءۇشىن استانا قالاسى پوليتسيا دەپارتامەنتىنىڭ باستاماسىمەن «Smart Astana» ەلەكتروندى پلاتفورماسىندا, «ەسىرتكىگە جول جوق» ۇندەۋ جولداۋ» قوسىمشاسىندا جوبا ازىرلەنىپ, ىسكە قوسىلدى. اتالعان پلاتفورما پوليتسيا قىزمەتكەرلەرىنە گراففيتي سۋرەتتەرىن, پاراقشالاردى جانە ت.ب. جويۋ بويىنشا جەدەل شارالار كەشەنىن قابىلداۋعا مۇمكىندىك بەرەدى, ەسىرتكىگە قاتىسى بار ينتەرنەت-دۇكەندەردى جارنامالاۋدىڭ بارلىق انىقتالعان فاكتىلەرگە زاڭدى ءىس-ارەكەتتەرى ءوتىنىش بەرۋشىنى Telegram ارناسى ارقىلى اتقارىلعان جۇمىس تۋرالى حاباردار ەتەدى, – دەيدى باسقارما باستىعى.
بۇل جۇمىستا ازاماتتار ەرەكشە بەلسەندىلىك تانىتۋدا. ولاردىڭ مالىمەتى بويىنشا بيىل سينتەتيكالىق ەسىرتكىنى ساتاتىن 60 سايت بۇعاتتالىپ, گراففيتيدى جارنامالايتىن ونلاين دۇكەندەرى جويىلعان. ەسىرتكى تۇتىنۋشىلاردىڭ سانىن ازايتۋ ماقساتىندا جاسوسپىرىمدەر مەن جاستار اراسىندا پروفيلاكتيكالىق جۇمىستار كۇشەيتىلىپ, وقۋ ورىندارىندا دارىستەر مەن ساباقتار وتكىزىلگەن. ودان بولەك, ەسىرتكىنىڭ زيانى تۋرالى دەرەكتى جانە كوركەم فيلمدەر كورسەتىلىپ, ينتەراكتيۆتى ساباقتار وتكىزىلەدى. جوعارى وقۋ ورىندارىمەن مەموراندۋمدار جاسالعان. ستۋدەنتتەرمەن كەزدەسۋلەردە ەسىرتكى قىلمىسىنا قارسى كۇرەسكە قاتىستى پروبلەمالىق ماسەلەلەر تالقىلانادى, ولار كەيىن بۇل دەرەكتەردى عىلىمي ەڭبەكتەرىندە قولدانادى.
– ستۋدەنتتەردىڭ اتا-انالارى ءۇشىن ءبىزدىڭ باسقارما قىزمەتكەرلەرى الەۋمەتتىك جەلىلەردە جانە جەكە پاتەر يەلەرى چاتتارىندا «كامەلەتكە تولماعانداردى ەسىرتكى قولدانۋ فاكتىلەرىن انىقتاۋ ءۇشىن ۇيدە ەكسپرەسس-تەستىلەۋ مۇمكىندىگى تۋرالى» اقپاراتتىق باعدارلامانى ىسكە قوستى. بيىل ناشاقورلىقتىڭ الدىن الۋ بويىنشا 238 پروفيلاكتيكالىق ءىس-شارا وتكىزىلدى. جۇرگىزىلىپ جاتقان جۇمىستارعا مەملەكەتتىك ورگاندار, ۇكىمەتتىك ەمەس ۇيىمدار, جاستار قوزعالىسىنىڭ ۆولونتەرلەرى, 15 سپورت ۇيىمى بەلسەندى قاتىسۋدا. بۇقارالىق اقپارات قۇرالدارىندا, ونىڭ ىشىندە رەسپۋبليكالىق باسىلىمداردا ەسىرتكىگە قارسى 367 باسىلىم جاريالاندى, – دەيدى ول.
مەملەكەت باسشىسىنىڭ تاپسىرمالارىن ورىنداۋ ماقساتىندا, سونداي-اق 2023-2025 جىلدارعا ارنالعان «قازاقستان رەسپۋبليكاسىندا ناشاقورلىقپەن كۇرەس جونىندەگى كەشەندى ءىس-شارالار جوسپارى» اياسىندا اكىم اپپاراتىمەن بارلىق مۇددەلى مەملەكەتتىك ورگاندارعا جانە ۇكىمەتتىك ەمەس ۇيىمعا قاجەتتى قاراجات بولە وتىرىپ, ناشاقورلىققا قارسى ماقساتتى پروفيلاكتيكالىق ءىس-شارالاردى ىسكە اسىرۋدا «استانا – ەسىرتكىسىز قالا!» جوسپارى ازىرلەنۋدە.
