قازاقستان پوليتسياسى كۇنىنە وراي استانا قالاسىنىڭ ىشكى ىستەر دەپارتامەنتىنىڭ ۇيىمداستىرۋىمەن ستۋدەنتتىك ساياباقتا مەرەكەلىك ءىس-شارا وتكىزىلدى.
اتالمىش شاراعا ەلوردا تۇرعىندارى مەن قالا قوناقتارى, پوليتسيا جەكە قۇرامى جانە ولاردىڭ وتباسى, سونداي-اق ونەر جۇلدىزدارى قاتىستى. كەلۋشىلەر قارۋ-جاراقتىڭ تۇرلەرىمەن قوسا, «روبينسون – R44» تىكۇشاعىنىڭ كورمەسىن تاماشالاۋعا مۇمكىندىك الدى.
مەرەكەلىك باعدارلاما اياسىندا كينولوگيالىق قىزمەت ورتالىعىنىن ماماندارى كاسىبي ماشىقتارىمەن تاڭ-تاماشا قىلدى. قىزمەتتىك-ىزدەستىرۋ يتتەرىمەن بىرگە تالاي قىلمىستى اشىپتى.
شارادا جۇرتشىلىق سالت اتتى پوليتسيانىڭ اتقاراتىن قىزمەتىمەن دە كەڭىنەن تانىستى. جول-پاترۋلدىك پوليتسياسىنىڭ كاۆالەريالىق ۆزۆود قىزمەتكەرى ەربولات بەگالين كەيدە كولىك جۇرە المايتىن تار ءارى قاۋىپتى ايماقتارعا وسى تۇلپارلارمەن بارۋعا تۋرا كەلەتىنىن ايتتى.
مەرەكەلىك كەش شەڭبەرىندە كىر تاسىن كوتەرۋ, اسكەري جاتتىعۋلار, دوپ قاعۋ سىندى سپورت تۇرلەرىنەن سايىس, شاحماتتان بليتس-تۋرنير وتكىزىلدى. جەڭىمپازدارى باعالى سىيلىقتارمەن ماراپاتتالدى.
بوتا جۇمابايقىزى, ستۋدەنت
