ەۋرازيا ۇلتتىق ۋنيۆەرسيتەتى الەمدىك پاندىك رەيتينگتە ورتالىق ازياداعى جالعىز وقۋ ورنى اتاندى
ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى QS الەمدىك پاندىك رەيتينگىندە سەرپىلىس جاساپ, ۇزدىك توپ-50 وقۋ ورنى قاتارىنداعى ورتالىق ازيانىڭ جالعىز ۋنيۆەرسيتەتى اتاندى.
استاناداعى وقۋ ورداسى – «قوناقجايلىلىق جانە دەمالىستى باسقارۋ» ءپانى بويىنشا العاشقى 50 وقۋ ورنى قاتارىنا كىرگەن ورتالىق ازيانىڭ جالعىز ءبىلىم وشاعى. الەمنىڭ جوعارى وقۋ ورىندارىندا وقىتىلاتىن پاندەردىڭ ساپاسىن بريتاندىق Quacquarelli Symonds اگەنتتىگى باعالادى. بارلىعى 149 ەلدەن 5000-عا جۋىق الەمدىك ۋنيۆەرسيتەتتىڭ كورسەتكىشتەرى تالداندى.
QS World University Rankings by Subjects 2024 حالىقارالىق پاندىك رەيتينگى جاريالانىپ, ناتيجەسىندە ەۋرازيا ۇلتتىق ۋنيۆەرسيتەتى جوعارى كورسەتكىشتەردى باعىندىرۋمەن قاتار, رەيتينگتەگى وكىلدىگىن 20 پانگە دەيىن كەڭەيتتى. ەلىمىزدىڭ جەتەكشى ۋنيۆەرسيتەتى 17 پاندىك جانە 3 سالالىق رەيتينگتە ۇسىنىلعان.
ەۇۋ قازاقستاننىڭ جوعارى وقۋ ورىندارى اراسىندا QS پاندىك رەيتينگىسىنىڭ توپ-100 كوش باستاپ تۇر. ۇزدىك ءبىرىنشى جۇزدىككە بىردەن 5 ءپان كىردى: «قوناقجايلىلىق جانە دەمالىستى باسقارۋ» (49), «ونەر جانە ديزاين» (51-100 ارالىعى), «لينگۆيستيكا» (69), «زاماناۋي تىلدەر» (84) جانە «اعىلشىن ءتىلى مەن ادەبيەتى» (93). «قوناقجايلىلىق جانە دەمالىستى باسقارۋ» باعىتىندا رەكوردتىق جەتىستىكتەر كورسەتىلىپ, الەمدەگى 2253 ۋنيۆەرسيتەت اراسىندا العاشقى توپ-50 ەنگەن ورتالىق ازياداعى جالعىز جوعارى وقۋ ورنى رەتىندە تانىلدى. وتكەن جىلى ۋنيۆەرسيتەتتىڭ اتالعان ءپان بويىنشا كورسەتكىشى 51-100 ارالىعىن قۇراعان. جوعارى ناتيجەلەرگە ءبىر باسىلىمعا دايەكسوزدەر سانى كورسەتكىشتەرىنىڭ جوعارىلاۋى ارقاسىندا قول جەتكىزىلدى.
«قازاقستاندىق جوعارى وقۋ ورىندارىنىڭ پاندىك رەيتينگتەردەگى پوزيتسيالارى سانىنىڭ 41-دەن 57-گە دەيىن جانە سالالىق رەيتينگتەردەگى 9-دان 10-عا دەيىن ءوسۋى, جاڭا رەيتينگتەردىڭ ءبىرىنشى جۇزدىگىندە بىرقاتار پاندەر بويىنشا وكىلدىكتىڭ كەڭەيۋى, ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ «قوناقجايلىلىق جانە دەمالىستى باسقارۋ» ءبىلىم بەرۋ باعدارلاماسىنىڭ الەمنىڭ ۇزدىك توپ-50 اسەرلى كىرۋى, مۇحتار اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ جاريالانعان رەيتينگتەردەگى دەبيۋتى جانە باسقا دا بىرقاتار ماڭىزدى جەتىستىكتەر ەلدەگى جوعارى وقۋ ورىندارىنىڭ جاھاندىق باسەكەگە قابىلەتتىلىگىن ارتتىرۋ ماسەلەلەرىندە باسشىلاردىڭ, پروفەسسور-وقىتۋشىلار قۇرامى مەن قىزمەتكەرلەردىڭ كاسىبيلىگىن كورسەتەدى. ءبىر باسىلىمعا دايەكسوزدەر سانىنىڭ ءوسۋى قازاقستاندىق اۆتورلاردىڭ ءبىرىنشى جانە ەكىنشى توقسانداعى عىلىمي باسىلىمدارىنداعى جاريالانىمدارىنىڭ بۇرىن-سوڭدى بولماعان جوعارى ۇلەسىمەن ۇشتاستىرىلعانىن اتاپ ءوتۋ ماڭىزدى» دەدى QS وڭىرلىك ديرەكتورى سەرگەي كريستوليۋبوۆ.
كوپتەگەن سالا بويىنشا ەۇۋ ونداعان ساتىلارعا جوعارى كوتەرىلىپ, وتكەن جىلعى ناتيجەلەردى جاقسارتتى: «ءتىل ءبىلىمى» بويىنشا 94-تەن 69-ورىنعا, «زاماناۋي تىلدەر» – 88-دەن 84-ورىنعا, «تەحنيكا جانە تەحنولوگيا» سالاسى بويىنشا 200 پوزيتسياعا العا ىلگەرىلەپ, 327-ورىنعا يە بولدى.
وتكەن جىلمەن سالىستىرعاندا «ارحەولوگيا», «ونەر جانە ديزاين», «اعىلشىن ءتىلى مەن ادەبيەتى», «تاريح», «قازىرگى تىلدەر», «ەكونوميكا جانە ەكونومەتريكا», «قوناقجايلىلىق جانە دەمالىستى باسقارۋ», «ينجەنەريا جانە تەحنولوگيا» پاندەرى بويىنشا كورسەتكىشتەر ەداۋىر جوعارىلادى. العاش رەت الەمدىك رەيتينگكە «ءبىلىم» (توپ-400), «الەۋمەتتانۋ» (توپ-300) جانە «ەلەكترلى جانە ەلەكتروندىق ينجەنەريا» (توپ-530) پاندەرى كىردى. پاندىك رەيتينگتە ۋنيۆەرسيتەتتىڭ اكادەميالىق ساراپشىلار مەن جۇمىس بەرۋشىلەر اراسىنداعى بەدەلى, اكادەميالىق زەرتتەۋلەردىڭ دايەكسوزدەرى, جاريالانىمداردىڭ حيرش يندەكسى جانە حالىقارالىق زەرتتەۋ جەلىسىنىڭ يندەكسى باعالانادى. ايتا كەتەيىك, ەۇۋ 2017 جىلدان باستاپ QS پاندىك رەيتينگتە بار
