«استانا اقشامى» – حالىققا, ەلگە قۋانىش اكەلەتىن, جۇرتتى ويلاندىراتىن گازەت. قازىر بۇل باسىلىم استانالىق ءار وتباسىنىڭ تۋىسى سياقتى بولىپ كەتتى. باسىلىمعا جازىلعان ءار شاڭىراق گازەتتىڭ جاڭا نومەرىن اسىعا كۇتەدى دەپ ويلايمىن.
ەلەكتروندى اقپارات قۇرالدارىن وقىعان ءبىر باسقا دا, ال قولعا ۇستاپ وقىعان دۇنيەگە ەشتەڭە جەتپەيدى. گازەت – ناعىز شىندىقتىڭ ايناسى. گازەتتە جاريالانعان ماتەريالعا سەنەسىز, كوڭىلىڭىز وعان توعايادى. الەۋمەتتىك جەلىنى اقپاراتتار تاسقىنى باسىپ كەتتى. ونىڭ قايسىسى وتىرىك, قايسىسى شىن ايىرىپ بولمايسىڭ. وسى تۇرعىدا «استانا اقشامىنىڭ» وقىرمانعا بەرەرى كوپ. وسى باسىلىمدا قاراپايىم ادامداردان باستاپ ونەر ادامدارىنىڭ, جازۋشىلاردىڭ جەكە پورترەتتەرى, تاريح تۋرالى, اڭىز اڭگىمەلەرى ءجيى جاريالانىپ تۇرادى. گازەت تىلشىلەرى حالىقتى تولعاندىرىپ جۇرگەن ماسەلەلەرىن ءدوپ باسىپ, وقىرماننىڭ سۋسىنىن قاندىرادى. بىراق ءومىردىڭ كولەڭكەلى جاقتارىن كوپ جازا بەرمەي, قۋانىشتى حابارلاردى جەتكىزە بەرسە دەگەن تىلەگىم بار.
جەكە باسىما كەلسەم, مەنى جۇرتقا تانىتقان – گازەت. بالا كەزىمدە «ورتالىق قازاقستان», «قازاق ادەبيەتى» گازەتتەرى ارقىلى «بالا ءبىرجان» بولىپ تانىلدىم. «استانا اقشامى» گازەتىندە دە مەن تۋرالى ءبىراز جازىلدى. ءتورت-بەس جىل بۇرىن ازامات ەسەنجول دەگەن جىگىت كەلىپ, سۇحبات الدى. بيىل جەتپىس جاسقا تولعانىمدا استانالىق باسىلىم كولەمدى ماقالانى جاريالادى. سول ءۇشىن گازەت ۇجىمىنا شىن جۇرەگىمنەن العىس ايتامىن.
وتىز جىلدىق مەرەيتويلارىڭىز قۇتتى بولسىن! وتىز جاس – ءبىر ازاماتتىڭ جاسى, وقىرماندارىڭىز ارتىپ, جازار كوبەيسىن! حالىقتىڭ ويىنان, كوكەيىنەن شىعا بەرۋلەرىڭىزگە تىلەكتەسپىن! توي تويعا ۇلاسسىن!
قايرات
بايبوسىنوۆ,
قازاقستاننىڭ
حالىق ءارتىسى,
مەملەكەتتىك
سىيلىقتىڭ لاۋرەاتى
