دارىگەر – جاۋاپكەرشىلىگى جوعارى ماماندىق. باس اۋىرىپ, بالتىر سىزداعاندا ولارسىز كۇنىڭ قاراڭ. راسىمەن دە, اق حالاتتى ابزال جاندار كوپشىلىك ءۇشىن قۇددى ءبىر ادام ءومىرىنىڭ اراشاشىسى بولىپ كورىنەدى.
بىراق بەس ساۋساق بىردەي ەمەس قوي. سول سياقتى اق حالاتتىلاردىڭ اراسىندا دا ناۋقاستىڭ جاعدايىنا بەي-جاي قارايتىندارى بار ەكەن. بىلتىر تۇرعىلىقتى مەكەنجايىمىز بويىنشا بالامىز رەسپۋبليكالىق دياگنوستيكالىق ورتالىقتا تىركەۋدە بولعان. البەتتە, ونداعى دارىگەرلەردىڭ بىلىكتىلىگىندە, زاماناۋي اپپاراتتاردا, قىزمەت كورسەتۋ ساپاسىنىڭ جوعارىلىعىندا, ءتىپتى ءدالىز بەن كابينەتتەردىڭ كەڭدىگىندە, جالپى, ەمدەلۋشىلەر ءۇشىن جاعدايدىڭ بارىنشا قاراستىرىلعاندىعىندا ءمىن جوق. قاتاڭ ءتارتىپ تە ورناعان وندا. ياعني دارىگەردىڭ قابىلداۋىنا الدىن الا جازىلىپ قويماساڭىز, كەزەكسىز كىرۋ قيىن. بىردە بالامىز تۇماۋراتىپ, دارىگەرگە قارالۋعا ءبىر كۇن بۇرىن جازىلىپ, ەرتەسىندە ۋاقىتىنان كەشىكپەي بارعانبىز. ءبىزدىڭ ۋچاسكەنىڭ دارىگەرى ءوزى اۋىرىپ قالىپتى, جۇمىستا بولماي شىقتى. سودان ونىڭ ورنىنا قابىلداۋى كەرەك بولعان باسقا ۋچاسكەنىڭ دارىگەرىنىڭ الدىنا باردىق. بىراق ول قانشالىقتى اۋىرىپ, مازاسىزدانىپ تۇرسا دا, بالانى قابىلداماي, كەرى قايتاردى. «وسى ءۇشىن جۇمىستان شىعارىپ جىبەرسە دە, باسقا ۋچاسكەنىڭ ادامدارىن قاراپ وتىراتىن ۋاقىتىم جوق. ماعان ول ءۇشىن اقشا تولەمەيدى» دەگەن الگى دارىگەر گيپپوكرات انتىنا پىسقىرمادى دا. وسى جاعدايدان سوڭ باسقا ەمحاناعا اۋىسۋعا تۋرا كەلدى.
