ەلىمىزدىڭ ەڭ باستى بايلىعى – حالىقتىڭ بىرلىگى, وسى باعا جەتپەس بايلىقتىڭ ارقاسىندا ەلىمىزدە ىنتىماقتاستىق, تىنىشتىق پەن تۇراقتىلىق قالىپتاسقان. بۇل ماڭىزدى نەگىزدەر قازاقستاننىڭ دامۋىنا جول اشىپ كەلۋدە. ەلىمىزدىڭ دامۋى بۇل ارينە حالىقتىڭ جاعدايىنىڭ جاقسارۋىنا تىكەلەي بايلانىستى. باسقا ورتا ازيا كورشى ەلدەردىڭ تۇرمىس اقۋالىمەن سالىستىرعاندا ءبىزدىڭ جاعدايىمىز ءبىرشاما جاقسى بولعانى بارىمىزگە بەلگىلى. وسىنداي كەرەمەت مەملەكەتتە ءومىر ءسۇرۋ ءناسىپ ەتكەندىكتەن جاراتۋشى يەمىزگە شۇكىرشىلىك كەلتىرۋ ءبىز ءۇشىن مىندەت دەپ بىلەمىن. حالىق بىرلىگىن قامتاماسىز ەتۋگە تۇڭعىش پرەزيدەنت ەلباسى نۇرسۇلتان نازارباەۆ ۇلكەن ۇلەس قوستى, بارشا ۇلتتاردىڭ باستارىن قوسىپ ءبىر حالىققا اينالدىردى. ساباقتاستىق نەگىزىندە جاڭا پرەزيدەنتىمىز قاسىم-جومارت توقاەۆ جولداۋىندا وسى بايلىقتى ساقتاۋ ءبىلۋىمىز كەرەك دەپ ايتتى. سوندىقتان بارشا ۇلتتاردىڭ باستارىن بىرلىكتە ساقتاۋ ءۇشىن, كەلەسى قادامىمىز مەملەكەتتىك ءتىلدى ۇلتارالىق ءتىل رەتىندە قولدانۋدى قاداعالادى. مەن ءۇشىن وسى ماسەلە جۇرەگىمە ەرەكشە اسەر قالدىردى. كۇمانسىز وسى باعىتتا بولساق كەلەشەگىمىز جارقىن بولادى دەپ شىنايى سەنەمىن. نەگە دەپ سۇراساڭىز, ەڭ باستى – وتانسۇيگىش سەزىم جاستار اراسىندا كۇشەيەدى. ەكىنشىدەن, تىلگە دەگەن قۇرمەت تەك قانا ءسوز بولماي امالمەن دە كورسەتىلگەن بولادى, وسىمەن بىرگە, مەملەكەتتىك ءتىلدىڭ قاجەتتىلىگى قالىپتاسادى. كەيبىر ەلىمىزدىڭ ازاماتتارى, وسىنداي پىكىر بىلدىرەدى. «ءبىز قازاق ءتىلىسىز ءومىر سۇرە الامىز, ۋاقىتىمىز از قالدى نەمەسە قابىلەتىمىز جوق» دەيدى. وسىلاي ايتساق جاستارعا قانداي ۇلگى كورسەتكەن بولامىز؟ بولاشاق جاستاردىڭ قولىندا دەگەنىمىز – بارلىق جاۋاپكەرشىلىكتى ولارعا جۇكتەگەن ءتارىزدى ەمەس, ۇلكەندەردىڭ كورسەتكەن جولى, بەرگەن تاربيەسى, ناسيحاتتى ءسوزى, ۇلاعاتتى ۇلگىسىمەن بەلگىلەنىپ, بولاشاعىمىزدىڭ قانداي بولۋىنا تىكەلەي بايلانىستى. ءبىز جاستارعا وسيەت ەتىپ, بىرلىكتى ساقتاۋ ءبىلۋىمىز كەرەك دەپ ارقاشاندا ايتىپ كەلەمىز. ال ەگەر مەملەكەتتىك ءتىلدى ولاردىڭ ومىرىندە ءبىرىنشى ءتىل رەتىندە قولدانۋعا مۇمكىندىك بەرسەك, سوندا الدىمىزعا قويىلعان ماقساتتارعا مىندەتتى تۇردە جەتەتىن بولامىز.
