ءبىلىم سالاسى – مەملەكەت باسشىسىنىڭ ۇنەمى باستى نازارىندا. جولداۋدا كوپتەگەن يگى باستامالار ايتىلعانى ءمالىم. ەگەمەندى ەلىمىزدىڭ الدىڭعى قاتارلى مەملەكەتتەردىڭ قاتارىنا قوسىلۋىنا قىزمەت ەتەتىن بولاشاق ۇرپاقتى الەمدىك دەڭگەيدە ءبىلىم بەرۋ, ءبىلىم مازمۇنىنا جاڭاشا قاراۋ – باستى مىندەتتەردىڭ ءبىرى.
№3 مەكتەپ-گيمنازيا پەداگوگتارى مەن جاس ماماندارىنا «ادىلەتتى مەملەكەت. ءبىرتۇتاس ۇلت. بەرەكەلى قوعام» تاقىرىبىندا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ 2022 ج. 1-قىركۇيەكتەگى قازاقستان حالقىنا جولداۋىن تالقىلاۋ ماقساتىندا دوڭگەلەك ۇستەل وتكىزىلدى.
دوڭگەلەك ۇستەلگە استانا قالالىق ءماسليحاتىنىڭ دەپۋتاتتارى ەرلان داكەنوۆ, ازامات ايتحوجين, استانا قالاسى اكىمدىگىنىڭ «ءبىلىم بەرۋدى جاڭعىرتۋ ورتالىعى» مەملەكەتتىك قازىنالىق كاسىپورنى باسشىسىنىڭ ورىنباسارى ديدار بايتاسوۆ, مەكتەپ ۇجىمىنىڭ پەداگوگتارى مەن قىزمەتكەرلەرى قاتىستى.
دوڭگەلەك ۇستەلگە قاتىسۋشىلار جولداۋداعى رەفورمانىڭ ناقتى 5 باعدارى, سونىڭ ىشىندە ءبىلىم بەرۋ جۇيەسىن, ءبىلىم مەن تاربيە بەرۋدىڭ ساپاسىن ارتتىرۋ باعىتىنداعى ماسەلەلەردى تالقىلادى. جيىندا پەداگوگتار ارنايى دايىنداعان سلايد كورسەتىلىپ, جولداۋدىڭ بەس باعىتى تۋرالى ەگجەي-تەگجەيلى ايتىلدى, مەكتەپ-گيمنازيا ديرەكتورى كارلىعاش ەلەۋباەۆا جيىننىڭ ماڭىزدىلىعىنا توقتالدى.
دوڭگەلەك ۇستەل بارىسىندا پەداگوگتار مەن جاس مامانداردىڭ ساۋالدارىنا جاۋاپ بەرگەن قالالىق ءماسليحات دەپۋتاتى ازامات ايتحوجين: «دەپۋتات – بيلىك پەن حالىق اراسىنداعى كوپىر. سوندىقتان وزدەرىڭىزدى مازالاپ جۇرگەن مەكتەپكە, جالپى ءبىلىم سالاسىنا قاتىستى وزەكتى پروبلەمالاردى ايتساڭىزدار قالالىق ءماسليحات وتىرىستارىندا سول ماسەلەلەردى قوزعاۋعا تىرىسامىز» دەدى. مەكتەپ-گيمنازيا ديرەكتورى ك.ەلەۋباەۆا جابىق سپورت الاڭىن سالۋ تۋرالى ماسەلەنى كوتەردى, ءماسليحات دەپۋتاتتارى بۇل ماسەلەنىڭ بۇگىنگى وتەتىن وتىرىستارىندا تالقىلاناتىنىن جەتكىزدى.
جيىندا تاعى ءبىر وزەكتى سۇراق قويىلدى – «جاستار اراسىندا ساتىلاتىن ەلەكتروندى تەمەكىلەرىن ساتۋدى قالاي توقتاتۋعا بولادى؟».
دەپۋتات ازامات ايتحوجين: «ەلەكتروندى تەمەكىلەرى عانا ەمەس, ەسىرتكى دەگەن كۇردەلى ماسەلە بار ەكەنىن بىلەمىز. زاڭدىلىق جاعىنان قوعام بولىپ تالقىلاپ, ۇسىنىس بەرىپ, بىرگە توتەپ بەرگەندە عانا بۇل ماسەلە شەشىمىن تاپپاق» دەپ جاۋاپ بەردى.
حالىق قالاۋلىلارى ەڭبەكتىڭ ەڭ ۇلكەنى – ءبىلىم مەن عىلىمدا ەكەنىن, الەمدىك وركەنيەتكە بەت العان بۇگىنگى قازاق ەلىنىڭ بولاشاعى ءبىلىم مەن تاربيە الاۋىن جاققان مەكتەپپەن تىكەلەي بايلانىستى. ونى دامىتۋ – باسەكەگە قابىلەتتى ەل بولۋدىڭ نەگىزگى شارتى ەكەندىگىن ايتتى. «ارينە, مەكتەپتىڭ جۇرەگى ول – ۇستازدار قاۋىمى. ولاردىڭ ەڭبەگى ولشەۋسىز, سوندىقتان سىزدەرگە كۇش-قۋات پەن كاسىبي تابىستار تىلەيمىز!» دەدى قالالىق ءماسليحات دەپۋتاتتارى.
مۇعالىمدەردىڭ مارتەبەسى تۋرالى دا جاقسى وي-پىكىرلەر ايتىلىپ, ءبىلىم سالاسىنىڭ ماڭىزدى ماسەلەلەرى تالقىلاندى.
