جولداۋدىڭ ءار تارماعى وزىندىك ۇسىنار باعىت-باعدارىمەن دارالانادى. انىعىراق ايتقاندا, جولداۋمەن تانىسۋ بارىسىندا بۇرىن-سوڭدى اشىق تالقىلانباعان ءتۇرلى وزەكتى ماسەلەلەردى بايقايمىز.
مەنىڭ ەرەكشە نازارىمدى اۋدارىپ, كوڭىلىمە ءۇمىت ۇيالاتىپ, ۇرپاقتىڭ كەلەشەگىنە سەنىممەن قاراۋىما ءبىلىم اياسىندا قوزعالعان تاقىرىپ سەبەپ بولدى. بۇل جايىندا مەملەكەت باسشىسى قاسىم-جومارت توقاەۆ 4-تارماقتا ءبىلىم ساپاسىن جاقسارتۋ كەرەكتىگىن تايعا تاڭبا باسقانداي ەتىپ, ناقتى تۇيتكىلدەردى ايشىقتاي كورسەتتى. ونىڭ ەڭ نەگىزگىسى – ەڭبەك رەسۋرسى, ءبىلىمدى مامانداردى دايارلاۋ. جالپى, ەسەپ بويىنشا ەلىمىزدە جىل سايىن 21 مىڭعا جۋىق مەكتەپ تۇلەگى كاسىبي جانە جوعارى وقۋ ورنىنا تۇسە الماي قالادى. سونىڭ سالدارىنان مەملەكەتتەن وقشاۋلانعان مارگينالدار مەن جۇمىسسىزدار قاتارى كوبەيىپ, قىلمىستىڭ جانە ەكسترەميستىك اعىمداردىڭ ىقپالىنا تۇسۋشىلەردىڭ سانى ارتادى. بۇل ماسەلەلەردىڭ شەشىمى قانداي بولماق؟ وسى ورايدا ءبىز ءاربىر وقۋشىنىڭ قابىلەتىن ايقىنداپ, كاسىبي باعىت-باعدار ساياساتىنا كوشۋ ارقىلى ۇلتتىق ستاندارتتىڭ نەگىزىن قالاۋىمىز قاجەت.
ەكىنشىدەن, ماسەلە قالا مەن اۋىل مەكتەپتەرى اراسىنداعى ورتا ءبىلىم ساپاسىنىڭ الشاقتاعى. قازىرگى تاڭدا قاي-قايسىمىزدىڭ بولماسىن نازارىمىزدى اۋدارتىپ, كوڭىلىمىزگە كۇمان تۋعىزعان تۇيتكىلدى پروبلەما. بۇل جايىندا ءبىلىم ساپاسى رەيتينگىنەن-اق بايقاي الامىز. حالىقتىڭ, اشىعىن ايتقاندا, بالانىڭ بولاشاعىنا الاڭداۋشىلىقپەن قاراپ جاتقان اتا-انالار دابىل قاعۋدا. بۇل نەنىڭ سالدارىنان؟ ارينە, اۋىل مەكتەپتەرىندەگى بىلىكتى پەداگوگ كادرلاردىڭ جەتىپەۋشىلىگى. بۇل تۇستا مەملەكەت باسشىسى «ديپلوممەن – اۋىلعا» باعدارلاماسىنىڭ اياسىن كەڭەيتۋ مەن 20 ميلليارد تەڭگە قارجى ءبولۋدى, دارىندى بالانىڭ قابىلەتىن دامىتۋدىڭ جول كارتاسىن ازىرلەۋدى ۇكىمەتكە تاپسىرىپ, پروبلەمانى شەشۋدىڭ ءبىر ۇشىن شىعاردى.
كەلەسى كەزەكتە, پرەزيدەنت جوعارى وقۋ ورىندارىنداعى ءبىلىم ساپاسى تۋرالى دا ايتتى. ول جايىندا ءبىلىم بەرۋ ورىندارىنىڭ تەك 60 پايىزى عانا ءوز تۇلەكتەرىن جۇمىسپەن قامتىپ وتىرعانىن, سونىمەن قاتار ديپلوم ساتۋمەن اينالىسىپ جۇرگەن ۋنيۆەرسيتەتتەردىڭ دە بار ەكەندىگىن باتىرىپ ايتتى. الداعى جىلدارى ونداي ۋنيۆەرسيتەتتەر سانىن شەكتەپ, ءبىلىم بەرۋ ساپاسىن ارتتىرۋعا كۇش سالۋ تۋراسىندا تاپسىرما بەردى.
پرەزيدەنت سوڭعى جىلدارى قوعامدا قىزۋ تالقىلانعان وقۋلىق ماسەلەسىنە دە توقتالدى. ناقتىراق ايتقاندا, وقۋلىق ساپاسىنىڭ تومەندىگى. بۇل ماسەلەگە قۇزىرلى مينيسترلىكتەر جاۋاپتى ەكەندىگىن ەسكە سالدى. جولداۋدا مەملەكەتتىك ءتىل, مەملەكەتتىك قىزمەت, ازاماتتىق قوعام, ەتنوسارالىق تاتۋلىق سياقتى بىرقاتار ماسەلەلەر قوزعالدى. كەلەر جىلى ەل بولىپ ءال-فارابي بابامىزدىڭ 1150 جىلدىق, اباي قۇنانبايۇلىنىڭ 175 جىلدىق مەرەيتويلارىن اتاپ وتەتىنىمىز مەنى ەرەكشە قۋانتتى. سونىمەن قاتار مەملەكەت باسشىسى مۇعالىمدەردىڭ ماسەلەسىن دە نازاردان تىس قالدىرماي, «پەداگوگتاردىڭ مارتەبەسى تۋرالى» جاڭا زاڭ قابىلداۋدى تاپسىرعانىن – بارلىق ۇستازدار قاۋىمى زور ىقىلاسپەن قولدادى.
ءبىز مەملەكەت باسشىسىنىڭ جولداۋى ەلىمىزگە وزىندىك سەرپىلىس اكەلەدى دەگەن سەنىمدەمىز. ۇسىنىلعان ءار تارماق پەن باعداردا كوتەرىلگەن وزەكتى دۇنيەلەر بولاشاعىمىز بەن ىشكى-سىرتقى جاعدايىمىز, مادەنيەتىمىز بەن وركەنيەتىمىزدىڭ كوركەيۋى ءۇشىن ماڭىزدى بولماق. «ءبىلىمدى ۇرپاق – ەل ەرتەڭى» ەكەنىن ەسكەرسەك, پرەزيدەنتتىڭ ءبىلىم سالاسىنداعى كۇنى بۇگىنگە دەيىن داۋ تۋعىزىپ كەلە جاتقان پروبلەمالاردى ءۇتىر-نۇكتەسىنە دەيىن اتاپ توقتالىپ, ولاردى شەشۋگە تاپسىرمالار بەرۋى ءبىلىم سالاسىنداعى مامانداردى ەرەكشە قۋانتقانى ءسوزسىز.
ايجان حيبادۋللينا,
سەمەي قالاسىنىڭ
شاكارىم اتىنداعى
مەملەكەتتىك
ۋنيۆەرسيتەتتىڭ
اعا وقىتۋشىسى
