ۇسىنىس-پىكىرلەر ايتىلدى
ەلوردادا ءماسليحات دەپۋتاتتارى №1 ارنايى مەكتەپ-ينتەرناتىنىڭ مۇعالىمدەرىمەن كەزدەسىپ, «ادىلەتتى مەملەكەت. ءبىرتۇتاس ۇلت. بەرەكەلى قوعام» تاقىرىبىنداعى مەملەكەت باسشىسىنىڭ جولداۋىن تالقىلادى
كەزدەسۋگە استانا قالاسى ءماسليحاتىنىڭ دەپۋتاتتارى ازامات ايتحوجين, ەرلان داكەنوۆ, مەكتەپ-ينتەرناتتىڭ ديرەكتورى ۇلان قۋانىش جانە مەكتەپ ۇجىمى قاتىستى.
جينالعان قاۋىم ءبىلىم بەرۋ جۇيەسىن, ءبىلىم مەن تاربيە بەرۋدىڭ ساپاسىن ارتتىرۋ ماسەلەلەرىن تالقىلادى.
– بۇگىنگى كەزدەسۋ بارىسىندا پرەزيدەنتتىڭ قازاقستان حالقىنا جولداۋى تالقىلاندى. ودان بولەك, مەكتەپ-ينتەرناتتا جۇمىس ىستەيتىن ءار قىزمەتكەر ءماسليحات دەپۋتاتتارىنا ءوز ساۋالدارىن قويدى. سونداي-اق كەيبىر ماسەلەلەر بويىنشا ءوز ۇسىنىستارىن ايتتى. مۇنداي كەزدەسۋلەر ءجيى بولىپ تۇرعانىن قالايمىز, – دەدى مەكتەپ-ينتەرنات ديرەكتورى ۇلان قۋانىش.
كەزدەسۋدە بىرقاتار ءماسەلەلەر كوتەرىلدى. ونىڭ ىشىندە جالاقىنىڭ ءتومەندىگى, كادرلاردىڭ تاپشىلىعى, جىلى ايالدامالار سالۋ مەن قوعامدىق كولىك ماسەلەسى بار. بۇل تۋرالى استانا قالاسى ءماسليحاتىنىڭ دەپۋتاتى ەرلان داكەنوۆ:
– بايقاساڭىزدار, جىلى ايالدامالار تەك قالانىڭ ىشىنە قويىلعان. ءبىز ۇستازداردىڭ جۇمىسقا, بالالاردىڭ مەكتەپكە كەلىپ, ءبىلىم الۋىنا جاعداي جاساۋىمىز قاجەت. بۇل ماسەلەلەردى رەسپۋبليكالىق دەڭگەيدە كوتەرەتىن بولامىز, – دەدى.
مەكتەپ-ينتەرناتتا قازىرگى تاڭدا 264 قىزمەتكەر جۇمىس ىستەيدى.