مەملەكەت باسشىسى نۇرسۇلتان نازارباەۆ يتاليا رەسپۋبليكاسىنىڭ پرەمەر-ءمينيسترى ماتتەو رەنتسيمەن كەزدەستى. كەزدەسۋ بارىسىندا قازاقستان مەن يتاليا ىنتىماقتاستىعىنىڭ ساۋدا-ەكونوميكالىق جانە ينۆەستيتسيالىق سالالاردى قامتىعان باسىمدىعى بار باعىتتارى تالقىلاندى.
«يتاليا – ءبىزدىڭ ءىرى ساۋدا جانە ينۆەستيتسيالىق سەرىكتەسىمىز, ءبىز ءوزارا ىقپالداستىعىمىزعا جاڭا سەرپىن بەرە الامىز. مەن ءسىزدى ءبىزدىڭ ەلگە رەسمي ساپارمەن دە كەلۋگە شاقىرامىن» دەدى پرەزيدەنت.
يتاليا پرەمەر-ءمينيسترى ءوز كەزەگىندە مەملەكەت باسشىسىنا وسى كەزدەسۋ ءۇشىن العىسىن ءبىلدىرىپ, قازاقستانعا رەسمي ساپارمەن كەلۋ تۋرالى شاقىرتۋدى زور ريزاشىلىقپەن قابىل الاتىنىن ايتتى. ايتا كەتكەن ءجون, كەلىسسوزدەر بارىسىندا مۇناي-گاز, كولىك, ەنەرگەتيكا جانە اۋىل شارۋاشىلىعى سالالارىنداعى قارىم-قاتىناستاردى دامىتۋ پەرسپەكتيۆالارى قاراستىرىلدى.
