كاپادزە قاپى قالدىردى

وتكەن اپتادا قازاقستان پرەمەر-ليگاسىنىڭ ون التىنشى تۋر ويىندارى اياقتالدى.

تۋر بارىسىندا «شاحتەر» ءوز الاڭىندا «اتىراۋ» ويىنشىلارىمەن جولىقتى. ويىننىڭ ونىنشى مينۋتىندا پورىۆاەۆتىڭ پاسىن دجيديچ تاماشا پايدالانىپ, «كەنشىلەر» ەسەپ اشتى. العاشقى تايم وسى جالعىز گولمەن اياقتالدى. كەلەسى كەزەڭ باستالا بەرە «شاحتەر» ويىنشىلارى ەسەپتى ەسە­لەدى. قارسىلاس قاقپاسىنا جا­ۋاپسىز ەكىنشى گولدى تاجىمبەتوۆ توعىتتى. ەلۋ توعىزىنشى مينۋتتا «اتىراۋ» ۇيىمداستىرعان شا­بۋىلداردىڭ ءبىرى ناتيجەسىن بەر­دى. چۋرەەۆ موكين قورعاعان قاقپاعا گول سالىپ, تابلوداعى ەسەپتى قىس­قارتتى. سالدەن سوڭ پرەمەر-ليگانىڭ سۇرمەرگەنى زەنكوۆيچ «كەنشىلەردىڭ» مەرەيىن ۇستەم ەتتى. 81-مينۋتتا «اتىراۋلىق» ايبار نۇربەكوۆ ەسەپتى تاعى ءبىر گولعا قىسقارتقانىمەن, كەزدەسۋدىڭ تاعدىرىن شەشە المادى. ەسەپ 3:2.

وسىنداي ويىن «ۆوستوك» پەن «تاراز» كوماندالارى اراسىندا دا ءوربىدى. كەزدەسۋدە ءبىر ۇپايمەن وسكەمەندىكتەر باسىم ءتۇستى.

ءدال وسىنداي كورسەتكىشپەن «ور­داباسى» قوستانايدىڭ «تو­بى­لىن» تىزە بۇكتىردى. پاۆلو­دار­دىڭ «ەرتىسى» دە جالعىز گولمەن «جەتىسۋعا» جول بەردى. ال, «اق­جا­يىق» پەن «قاي­رات» ءبىر-ءبىرى­نىڭ قاقپاسىنان سا­ڭىلاۋ تاپپاي تارقاستى.

«اقتوبە» ءوز الاڭىندا «استانانى» قابىلدادى. ەلوردالىق كو­ماندانىڭ قاقپاسىنا دارىعان ەكى دوپتى دا كاپادزە تەپتى. ال, جاۋاپ رەتىندە سوعىلعان جالعىز گولدىڭ اۆتورى – يسلامبەك قۋات.

تۋر قورىتىندىسى بويىنشا, تۋر­نير كەستەسىنىڭ باسىنان «اق­تو­بە» ورىن السا, ەكىنشى «استانا», ءۇشىن­شى قاراعاندىلىق «شاحتەر» تىركەلدى. ال, الما­تى­نىڭ «قاي­را­تى» العاشقى تورتتىكتى تۇيىندەپ تۇر.

ەربول جانات