قالانىڭ كاسىبى مەن وندىرىستىك سالاسىنا قان جۇگىرتىپ, ەلوردانىڭ يندۋستريالدى-يننوۆاتسيالىق دامۋىنا باس-كوز بولىپ وتىرعان استانا قالاسىنىڭ كاسiپكەرلiك جانە ونەركاسiپ باسقارماسىنىڭ سوڭعى 6 ايداعى جەتىستىكتەرىن نازارلارىڭىزعا ۇسىنىپ وتىرمىز.
شاعىن كاسىپكەرلىك
جالپى استانا قالاسى ەكونوميكاسىنىڭ 60 پايىزى – كاسىپكەرلىكتىڭ ۇلەسىندە. دەمەك, بۇل سالانىڭ ەلوردا دامۋى ءۇشىن ماڭىزى ايرىقشا.
2013 جىلدىڭ 1 ماۋسىمداعى جاعداي بويىنشا, استانادا 101 221 شاعىن كاسىپكەرلىك سۋبەكتىسى تىركەلگەن ەكەن. بۇل – بىلتىرعى وسى كەزەڭمەن سالىستىرعاندا, 11,3 پايىزعا ارتىق كورسەتكىش. ونىڭ ىشىندە زاڭدى تۇلعالار – 34 239, جەكە كاسىپكەرلەر – 66982 (11,0 پايىزعا ارتىق).
استانا قالاسى بويىنشا سالىق دەپارتامەنتىنىڭ دەرەگىنە سۇيەنسەك, اعىمداعى جىلدىڭ سوڭعى 6 ايىنداعى احۋال بويىنشا, شاعىن كاسىپكەرلىكپەن اينالىساتىن كاسىپورىنداردىڭ سانى بىلتىرعىمەن سالىستىرعاندا 14,6 پايىزعا ءوسىپ, 66 724-ءتى قۇراعان. سونىڭ ىشىندە زاڭدى تۇلعالار – 21 689 بولسا (11,1 پايىز ارتىق), جەكە كاسىپكەرلەر – 45 035 ( 16,4 پايىزعا ارتىق).
ال بازارلاردا بەلسەندى جۇمىس ىستەپ جاتقان شاعىن كاسىپكەرلىك سۋبەكتىسى – 51 388 بىرلىكتى قۇراپ, وتكەن جىلعى وسى كەزەڭمەن سالىستىرعاندا 26,5 پايىزعا اسىپ تۇسكەن.
شاعىن كاسىپكەرلىكپەن اينالىسىپ, ءوزىن-ءوزى جۇمىسپەن قامتىعان 150,6 مىڭ ادام تىركەلگەن. بۇل 2012 جىلدىڭ العاشقى التى ايىمەن سالىستىرعاندا 27,5 پايىزعا ارتىق.
شاعىن كاسىپكەرلىك سۋبەكتىلەر-ءىنىڭ قىزمەتى ارقاسىندا وندىرىلگەن ءونىمنىڭ كولەمى قاڭتار-مامىر ايلارى ارالىعىندا 130 972 ملن تەڭگەنى قۇراپ, وتكەن جىلمەن سالىستىرعاندا 1,6 پايىزعا اسىپ تۇسكەن.
قر ۇلتتىق بانكىنىڭ مالىمەتتەرى بويىنشا, استانا قالاسىنىڭ ەكونوميكاسىنا جالپى سوماسى 271 934 ميلليون تەڭگەنى قۇرايتىن نەسيە بەرىلگەن. سونىڭ ىشىندە شاعىن كاسىپكەرلىكتى نەسيەلەۋگە بەرىلگەن قارجىنىڭ كولەمى – 24 130 ميلليون تەڭگە. بۇل وتكەن جىلمەن سالىستىرعاندا 74,2 پايىزعا ازايعانىن كورسەتەدى.
شاعىن كاسىپكەرلىك سالاسىنان بيۋدجەتكە كەلىپ تۇسكەن سالىق جانە باسقا دا تولەمدەردىڭ كولەمى 2013 جىلدىڭ 1 ماۋسىمىنداعى مالىمەت بويىنشا 51 393,9 ملن تەڭگەنى قۇرادى.
جالپى العاندا, ورتا جانە شاعىن كاسىپكەرلىكپەن ناپاقاسىن تاۋىپ جۇرگەن ازاماتتاردىڭ سانى سوڭعى 6 اي ىشىندە 173,5 مىڭدى قۇراپ, وتكەن جىلعى وسى كەزەڭمەن سالىستىرعاندا 6 پايىزعا ارتقان. سونىڭ ىشىندە بەلسەندى سۋبەكتىلەر سانى 52 160 بىرلىكتى قۇراپ, بىلتىرعىعا قاراعاندا 26, 1 پايىزعا وسكەن. وسى سالانىڭ تىزگىنىن ۇستاعان ازاماتتاردىڭ كورسەتكەن قىزمەتى ارقاسىندا تاۋار كولەمى 2013 جىلدىڭ قاڭتار-مامىر ارالىعىندا 486 455 ملن تەڭگەنى قۇراپتى.
«بيزنەستىڭ جول كارتاسى – 2020» باعدارلاماسى
استانا قالاسىنداعى كاسىپ-كەرلىكتىڭ دامۋىنا «بيزنەس-ءتىڭ جول كارتاسى – 2020» باعدارلاماسىنىڭ ىقپالى مول. بۇل – باسقارما باقىلاۋىنداعى ماڭىزدى جوبانىڭ ءبىرى.
2013 جىلدىڭ 1 ماۋسىمداعى جاعداي بويىنشا, استانا قالاسىندا يندۋستريالدىق دامۋدى جەدەلدەتۋ جونىندەگى ۇيلەستىرۋ كەڭەسى 43 جوبانى ماقۇلداعان. بانكتەر بەرگەن كرەديتتەردىڭ پايىزدىق ستاۆكالارىن سۋبسيديالاۋ جونىندەگى ليزينگتىك كومپانيا جالپى نەسيەلىك جەلىسى 6 937,6 ميلليون تەڭگەنى قۇرايتىن 42 جوبانى ماقۇلداسا, سونىڭ 5-ەۋى كەپىلدىك كرەديتى بويىنشا, ەندى ءبىرى ينفراقۇرىلىمدى دامىتۋ بويىنشا قولداۋ تاپقان.
2013 جىلى «بيزنەستىڭ جول كارتاسى – 2020» باعدارلاماسىن جۇزەگە اسىرۋعا 3 894,6 ملن تەڭگە بولىنسە, سونىڭ ىشىندە پايىزدىق ستاۆكالاردى سۋبسيديالاۋعا – 3 535,3 ملن تەڭگە, ءىشىنارا كەپىلدىككە – 70,0 ملن تەڭگە, سەرۆيستىك قىزمەتكە – 50,0 ملن تەڭگە, كەپىلدىكتى قارجىلاندىرۋعا – 24,0 ملن تەڭگە جانە وندىرىستىك ينفراقۇرىلىمدى دامىتۋعا – 215,3 ملن تەڭگە بولىنگەن.
ونەركاسىپتىك ءورىس
استانا قالاسىنىڭ ونەركاسىپ سالاسىنىڭ 81,2 پايىزىن وڭدەۋشى كاسىپورىندار قۇراپ وتىر. قالعان 15,8 پايىزى – ەلەكترمەن قامتاما-سىز ەتۋ, گاز, بۋ بەرۋ سالالارىنا تيەسىلى بولسا, 3 پايىزى – سۋ, كارىز جانە قالدىقتاردى جيناۋ مەن تاراتۋدى باقىلاۋ جۇيەلەرى ۇلەسىندە.
2013 جىلدىڭ قاڭتار-مامىر ايلارىندا ونەركاسىپتىك ءوندىرىستىڭ كۇشىمەن 106 781,6 ملن تەڭگە كولەمىندەگى ءونىم شىعارىلعان. وتكەن جىلدىڭ وسى كەزەڭىمەن سالىستىرعاندا, ونىڭ ناقتى كولەم يندەكسى 127,3 پايىزدى قۇرادى.
وڭدەۋشى ونەركاسىپ سالاسىندا 86 715,9 ملن تەڭگەنىڭ ءونىمى وندىرىلگەن, ناقتى كولەم يندەكسى – 30,5 پايىزعا وسكەن:
– ماشينا جاساۋ سالاسىندا (ۇلەسى – 59,8 پايىز) 51 852,7 ملن تەڭگەنىڭ قىزمەتى كورسەتىلىپ, ءونىمى شىعارىلعان, ناقتى كولەم يندەكسى 2 ەسەگە وسكەن. ديزەلدى لوكوموتيۆ ءوندىرىسى – 1,7 ەسەگە ارتسا, كەرىسىنشە, ناسوس شىعارۋ 36,8 پايىزعا كەمىگەنى بايقالادى.
– توقىما ونەركاسىبىندە وندىرىلگەن ءونىمنىڭ كولەمى – 61,5 ملن تەڭگە, ناقتى كولەم يندەكسى – 180,1%;
– مەتاللۋرگيا سالاسىندا ناقتى كولەم يندەكسى 1,6 ەسەگە ءوسىپ, 368,0 ملن تەڭگەنى قۇراعان;
– تەرى وڭدەۋ سالاسىندا شىعارىلعان ءونىمنىڭ كولەمى 3,2 ميلليون تەڭگەنى قۇراپ, 1,5 ەسەگە ارتقان.
– مەتالل ەمەس مينەرالدىق ونىمدەردى ءوندىرۋ 1,3 ەسەگە ارتىپ, 15 646,0 ملن تەڭگەنى قۇرادى, قۇراستىرمالى-جينالمالى ءونىم ءوندىرىسى كوبەيىپ, بۇل سالانىڭ شىعارعان تاۋارى 1,7 پايىزعا, كىرپىش, پليتا ءوندىرۋ – 14,4 پايىزعا, بەتون شىعارۋ 1,3 ەسەگە وسكەن.
– سۋسىندار وندىرىسىندە 173,9 ملن تەڭگەنىڭ ءونىمى شىعارىلدى, ناقتى يندەكسى كولەمى –116,0 پايىز.
– ازىق-تۇلىك ءوندىرىسى بويىنشا قاڭتار-مامىر ايلارىندا 8 196,1 ملن تەڭگەنىڭ ءونىمى وندىرىلگەن, ناقتى كولەم يندەكسى – 100,7 پايىز. سونىڭ ىشىندە ماكارون ونىمدەرى – 57,4 پايىزعا, نان – 18 پايىزعا, ءسۇت 27,0 پايىزعا ارتتى. كەرىسىنشە, شۇجىق ءوندىرۋ – 30,4 پايىزعا, ۇن – 5,7 پايىزعا, جارما 19,7 پايىزعا كەمىگەن.
رەزەڭكە جانە پلاستماسسا بۇيىمدارى وندىرىسىندە 4 777,2 ملن تەڭگەنىڭ ءونىمى وندىرىلگەن, ناقتى يندەكس كولەمى – 87,0 پايىز.
2013 جىلدىڭ قاڭتار-مامىر ايلارىنداعى كورسەتكىش بويىنشا, قۇبىر شىعارۋ ءوندىرىسى 69,1 پايىزعا تومەندەگەنى بايقالدى. ەسەسىنە, تەرەزە, ەسىك جاساۋ ءوندىرىسى 1,7 پايىزعا ارتتى.
ماشينا مەن قۇرىلعىلاردان وزگە دايىن مەتالل ونىمدەردى ءوندىرۋ كولەمى 3 602,5 ملن تەڭگەنى قۇرادى, ناقتى يندەكسى كولەمى – 98,8 پايىز.
يندۋستريالدىق دامۋ قارقىنى
ەلىمىزدە يندۋستريالدىق-يننوۆاتسيالىق دامۋ جوبالارىنا ايرىقشا ماڭىز بەرىلىپ وتىرعانى بەلگىلى. وسى سالانى جەدەلدەتىپ دامىتۋ جونىندەگى باعدارلامانى جۇزەگە اسىرۋ اياسىندا استانادا 2010-2014 جىلدارى يندۋستريالاندىرۋدىڭ اۋماقتىق كارتاسى بويىنشا 71,8 ملرد تەڭگەنى قۇرايتىن 10 جوبا پايدالانۋعا بەرىلىپ, 2 مىڭعا جۋىق جاڭا جۇمىس ورنى اشىلعان.
بۇگىنگى تاڭدا ەلوردادا جالپى كولەمى 319,2 ملرد تەڭگەنى قۇرايتىن 8 جوبا جۇزەگە اسىرىلىپ جاتىر. سونىڭ نەگىزىندە 4 مىڭنان استام جۇمىس ورنى اشىلادى دەپ كۇتىلۋدە.
2013 جىلدىڭ اياعىنا دەيىن 7,1 ملرد تەڭگەنى قۇرايتىن 4 جوبا ىسكە اسىرىلادى. قالعان 4 جوبانى 2014 جىلعا دەيىن اياقتاۋ جوسپارلانىپ وتىر.
بۇعان قوسا, يندۋستريالدىق پارك اۋماعىندا 46 ينۆەستيتسيالىق جوبا ىسكە قوسىلماق. وعان قۇيىلعان ينۆەستيتسيا كولەمى – 166 ملرد تەڭگە, يگەرىلگەنى –50,8 ملرد تەڭگە.
قالالىق اكىمدىك ونىمدەردىڭ ساپاسى مەن جوبالاردىڭ باسەكەگە قابىلەتتى بولۋىن دا ءجىتى نازاردا ۇستاپ وتىر. وسى ماقساتتا ونەركاسىپتىك كاسىپورىندارىنا يسو, OHSAS, SA, حاسسپ سەريا-لى حالىقارالىق ساپا ستاندارتىن ەنگىزۋدى ناسيحاتتاۋ جۇمىستارى جۇرگىزىلۋدە. قولعا الىنعان جۇمىستاردىڭ ناتيجەسىندە بيىل 1 ماۋسىمعا دەيىن وسى حالىقارالىق ستاندارتتى قولدانىسقا ەنگىزگەن كاسىپورىنداردىڭ سانى 607 بىرلىككە جەتكەن.
كاسىپكەرلىك جانە ونەركاسىپ باسقارماسى جەرگىلىكتى تاۋار وندىرۋشىلەردىڭ ءوزارا ىسكەرلىك بايلانىسىن نىعايتۋ, ءبىر-بىرىمەن تاجىريبە الماسۋ الاڭىن كەڭەيتۋ ماقساتىندا ءارتۇرلى بيزنەس-فورۋمدار, كورمەلەر, دوڭگەلەك ۇستەل جيىندارىن, ءتۇرلى كەزدەسۋلەر مەن تۇساۋكەسەرلەر وتكىزىپ كەلەدى. بۇل – كاسىپكەرلەردىڭ بيزنەس سالاسىنداعى بىلىكتىلىگىن دە جەتىلدىرە تۇسەدى دەيدى مەكەمە وكىلدەرى.
ازىرلەگەن:
قىمبات توقتامۇرات
