قازىرگى تاڭدا «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ فرونت-وفيستەرى مەن بەك-وفيستەرى ارقىلى بارلىق مەملەكەتتىك قىزمەتتەردىڭ 83% كورسەتىلەدى. ولاردىڭ قايسىسى جوعارى سۇرانىسقا يە؟
ءبىرىنشى ورىندا مەكەنجاي انىقتاماسىن بەرۋ قىزمەتى (2017 جىلعى 10 اي ىشىندە 14 534 750 انىقتاما بەرىلدى). نەگىزىنەن, مۇنداي انىقتامالاردى جۇمىسقا ورنالاسۋ جانە وقۋ ورىندارىنا ۇسىنۋ ءۇشىن الادى.
قازاقستان رەسپۋبليكاسىنىڭ ۇلتتىق كۋالاندىرۋشى ورتالىعىنىڭ تىركەۋ كۋالىگىن بەرۋ جانە قايتارۋ بويىنشا 4 009 557 قىزمەت كورسەتىلدى (ەلەكتروندىق-تسيفرلىق قولتاڭبا).
ءۇشىنشى ورىندا جىلجىمايتىن مۇلىككە تىركەلگەن قۇقىقتار (اۋىرتپالىقتاردى) جانە ونىڭ تەحنيكالىق سيپاتتامالارى تۋرالى انىقتاما بەرۋ قىزمەتى تۇر. 10 اي ىشىندە 2 528 944 قىزمەت كورسەتىلگەن.
جىلجىمايتىن مۇلiكتiڭ بولماۋى (بولۋى) تۋرالى انىقتاما دا ءجيى سۇراتىلادى. مەملەكەتتىك كورپوراتسيانىڭ فرونت-وفيستەرى ارقىلى مۇنداي انىقتاما 2 422 347 ازاماتقا بەرىلدى.
وسى ون اي ىشىندە مەملەكەتتىك كورپوراتسيا 1 714 465 رەت بىرىڭعاي جيناقتاۋشى زەينەتاقى قورى سالىمشىسى قاراجاتىنىڭ ءتۇسۋى جانە قوزعالىسى تۋرالى اقپارات بەرۋ قىزمەتىن كورسەتتى.
جىل باسىنان بەرى سوتتالعاندىعى بولۋى نە بولماۋى تۋرالى 1 309 485 انىقتاما بەرىلدى. بۇل انىقتاما ازاماتتارعا جۇمىسقا ورنالاسۋ ءۇشىن كەرەك.
بيىل 10 اي ىشىندە قازاقستان رەسپۋبليكاسىنىڭ ازاماتتارى 1 302 778 تولقۇجات پەن جەكە كۋالىك الدى. كولىك قۇرالىنىڭ سايكەستەندىرۋ ءنومىرى بويىنشا كولىك قۇرالدارىنىڭ جەكەلەگەن تۇرلەرىن مەملەكەتتىك تىركەۋ جانە ەسەپكە الۋ – 1 218 658.
جىلجىمايتىن مۇلىككە قۇقىقتاردى (اۋىرتپالىقتاردى) مەملەكەتتىك تىركەۋ قىزمەتىنە قازاقستاندىقتار 1 113 348 رەت جۇگىنگەن.
بيىل 10 اي ىشىندە ازاماتتارعا 314 155 جۇرگىزۋشى كۋالىگى بەرىلگەن.
وسىلايشا, ەڭ كەڭ تاراعان قىزمەت ءتۇرى – ءتۇرلى انىقتامالاردى بەرۋ. 2016 جىلى 37 ملن-نان استام مەملەكەتتىك قىزمەت كورسەتىلدى, ونىڭ 24 ملن-ءى – ەلەكتروندىق انىقتامالار. سوندىقتان مەملەكەتتىك كورپوراتسيا بىرقاتار مەملەكەتتىك ورگاندارمەن بىرگە «ازاماتتارعا ارنالعان ۇكىمەتتىڭ» فرونت-وفيسىنە كەلۋشىلەردىڭ سانىن شەگەرۋگە مۇمكىندىك بەرەتىن Paperfree جوباسىن ىسكە قوسپاق.
مەملەكەتتىك ورگاندار مەن جەكە ۇيىمدارعا انىقتاما بەرۋ سەرۆيسىن جۇزەگە اسىرۋ بۇل قىزمەت ءتۇرىن كورسەتۋدى 21,5 ملن-عا قىسقارتار ەدى. ازاماتتار SMS-حابارلاما ارقىلى رۇقساتىن راستاپ, ءۇشىنشى تۇلعالاردىڭ سۇراتۋى بويىنشا جەكە مالىمەتتەرىن بەرە الادى. مىسالى, سەرۆيس ەنگىزىلگەننەن كەيىن, وقۋ ورنى ەلەكتروندىق پورتال ارقىلى قاجەتتى قۇجاتتى سۇراتادى, ال قىزمەت الۋشى (بۇل جاعدايدا اتا-انا) SMS-حابارلاما ارقىلى ءبىر رەت ەلەكتروندىق انىقتاما الۋعا ءوزىنىڭ رۇقساتىن بەرەدى. وسىلايشا, جاڭا وقۋ جىلى قارساڭىندا انىقتاما الۋ ءۇشىن 3 ملن وقۋشىنىڭ اتا-اناسى حقكو-عا بارمايدى.
قازاقستاندىقتار جىل باسىنان بەرى 14,5 ملن مەكەنجاي انىقتاماسىن الدى
2017 جىلدىڭ 10 ايىندا «ازاماتتارعا ارنالعان ۇكىمەت» مەمكورپوراتسياسىنىڭ كەڭسەسى ارقىلى بارلىعى 34,3 ملن-عا جۋىق مەملەكەتتىك قىزمەت بەرىلدى
1) مەكەنجاي انىقتاماسى
تۇرعىلىقتى جەرىنەن مەكەنجاي انىقتاماسىن الۋعا كەلۋشىلەر سانى 14,5 ملن مەكەنجاي انىقتاماسىن مەكتەپتەردە, جۇمىس ورنى بويىنشا, ت.س.س. تالاپ ەتەدى
2) ەلەكتروندىق-تسيفرلىق قولتاڭبا
ەلەكتروندىق-تسيفرلىق قولتاڭبا الۋ جانە قايتارىپ الۋ جونىندەگى قىزمەت بويىنشا ازاماتتار 4 ملن رەت جۇگىنگەن
3) جىلجىمايتىن مۇلىك جانە ونىڭ مىنەزدەمەسى قۇقىقتارىنىڭ تىركەلگەندىگى تۋرالى انىقتاما
2,5 ملن انىقتاما
4) جىلجىمايتىن مۇلىكتىڭ جوقتىعى (بارى) تۋرالى انىقتاما
2,4 ملن انىقتاما
5) بجزق سالىمشىسىنىڭ قارجى قوزعالىسىنىڭ تۇسكەنى تۋرالى اقپاراتتىڭ بەرىلۋى
1,7 ملن انىقتاما
6) سوتتى بولعاندىعى نەمەسە بولماعاندىعى تۋرالى انىقتاما
1,3 ملن-نان اسا ازامات وسىنداي انىقتاما سۇراعان
7) پاسپورت, تولقۇجات راسىمدەۋ
1,3 ملن رەت ازاماتتار وسى قىزمەت ءتۇرىن راسىمدەگەن
8) مەملەكەتتىك تىركەۋ جانە كولىك قۇرالدارى جەكەلەگەن تۇرلەرىنىڭ ەسەپ-قيسابى
1,2 ملن
9) جىلجىمايتىن مۇلىكتى قۇقىقتىق تىركەۋ
1,1 ملن-نان اسا قىزمەت
10) جۇرگىزۋشى كۋالىگىن بەرۋ
300 مىڭنان اسا
ەڭ كوپ تالاپ ەتىلەتىن مەملەكەتتىك قىزمەتتەر رەيتينگىسى قاعاز انىقتامالارى اينالىمىنىڭ ماسەلەسىن شەشەدى
