كەشەندى جوسپار ازىرلەندى

استانا قالاسىنىڭ ماڭىن الەۋمەتتىك-ەكونوميكالىق دامىتۋدىڭ 2014-2020 جىلدارعا ارنالعان كەشەندى جوسپارى ازىرلەندى.

كەشەندى جوسپاردى قابىلداۋ استانا قالاسىنىڭ ماڭىنداعى ينجەنەرلىك جانە الەۋمەتتىك ينفراقۇرىلىمدى قالالىق دەڭگەيگە جەتكىزۋگە مۇمكىندىك بەرەدى.

2014 جىلعى 25 ساۋىردە استانا قالاسىن ودان ءارى دامىتۋعا ارنالعان وتىرىس بارىسىندا مەملەكەت باسشىسىنىڭ بەرگەن تاپسىرماسىن ورىنداۋ ماقساتىندا قر ۇكىمەتى «استانا قالاسىنىڭ ماڭىن الەۋمەتتىك-ەكونوميكالىق دامىتۋدىڭ 2014-2020 جىلدارعا ارنالعان كەشەندى جوسپارىن بەكىتۋ تۋرالى» قاۋلىسىنىڭ جوباسىن جاساعان بولاتىن.

استانا قالاسىنىڭ ماڭىندا جالپى اۋدانى 4 168 گا جانە حالقىنىڭ سانى 109 408 مىڭ ادامدى قۇرايتىن ەلورداعا قوسىلعان 19 تۇرعىن الاپ ورنالاسقان. ولاردىڭ ىشىندە جەلەزنودوروجنىي, ينتەرناتسيونالنىي, دوستىق, ميچۋرينو, كۇيگەنجار, پرومىشلەننىي, كازگورودوك, قازاق اۋىل, وڭتۇستىك-شىعىس (سول جاعى), وڭتۇستىك-شىعىس (وڭ جاعى), كوكتال-1, كوكتال-2, ءوندىرىس, كومسومولسكي, زارەچنىي, تەلمان, يلينكا, پريگورودنىي جانە قاراوتكەل بار.

كەشەندى جوسپاردا انىقتالعان باستى ستراتەگيالىق باعىتتار بويىنشا كولىك ينفراقۇرىلىمى; ەلەكترمەن جابدىقتاۋ نىساندارى; كوممۋنالدىق شارۋاشىلىق وبەكتىلەرى; 24 000 ورىندى 21 جالپى ءبىلىم بەرۋ مەكتەبى مەن 11 940 ورىندى 47 مەكتەپكە دەيىنگى مەكەمەنى قۇرايتىن ءبىلىم سالاسى; ءبىر اۋىسىمدا 3 610 ادامدى قابىلدايتىن 7 ەمحانا, ءبىر اۋىسىمدا

1 300 كەلۋشىنى قابىلدايتىن 7 وت­باسىلىق-دارىگەرلىك امبۋلاتوريا (ودا) جانە ءبىر اۋىسىمدا 400 كەلۋ­شىگە ارنالعان 1 جەدەل مەديتسينالىق جاردەمنىڭ شاعىن ستانساسىن قۇرايتىن دەنساۋلىق ساقتاۋ سالاسى دامىتىلادى.

قالا ماڭىنداعى بەكەتتەردە ۇزىندىعى 398,12 كم جول, سونىمەن قاتار, تۇرمىستىق جانە جاۋىندىق كارىزدەرگە, سۋمەن ءارى ەلەكترمەن قامتۋعا ارنالعان 1520,82 كم ينجەنەرلىك جەلى جانە ترانسفورماتورلىق شاعىن ستانسالار, سورعى ستانسالارى مەن جاۋىندىق كارىزدەردى تازارتۋ قۇرىلىسىنا لايىق­تالعان 112 ينجەنەرلىك قۇرىلىس سالۋ جوسپارلانعان.

نۇريسلام قۇسپانعالي