اناتولي شكارۋپا, قر تابيعي مونوپوليالاردى رەتتەۋ جونىندەگى اگەنتتىگى توراعاسىنىڭ ورىنباسارى:
– ناۋرىز ايىندا كوممۋنالدىق قىزمەتتەردىڭ تاريفتەرى وزگەرە مە؟
– جالپى, تاريفتەردى بەكىتۋ زاڭناما تالاپتارىنا سايكەس قاتاڭ ءجۇزەگە اسىرىلادى. ءوز كەزەگىندە زاڭناما تۇتىنۋشىلاردىڭ قۇقىعىن قورعاۋعا باعىتتالعان جانە تاريفتەرگە ەنگىزىلەتىن شىعىندار بويىنشا قاتاڭ شەكتەۋلەردى قامتيدى. بۇل ەرەكشە ءتارتىپ دەپ اتالادى ءجانە اگەنتتىكتىڭ نەگىزگى قۇجاتى بولىپ سانالادى. ناۋرىز ايىنداعى تاريفتەرگە توقتالسام, ەلەكتر ەنەرگياسى, گازبەن جابدىقتاۋ, سۋمەن جابدىقتاۋ تاريفتەرى كوتەرىلمەيدى.
– حالىق ديزەلدى وتىننىڭ باعاسى وزگەرۋى مۇمكىن دەيدى. بۇل شىندىققا قانشالىقتى جاناسادى؟
– بۇگىندە اي-80 ماركالى وتىننىڭ ءليترى – 89 تەڭگە, اي-92 – 110 تەڭگەنى قۇرايدى. قازىرگى كەزدە ديزەلدى وتىندى قازاقستاننان تىسقا شىعارۋ تاۋەكەلى ەسكەرىلە وتىرىپ, مۇناي جانە گاز مينيسترلىگىنىڭ ۇسىنىسى بويىنشا ديزەلدىك وتىننىڭ بولشەك ساۋداداعى باعاسىنىڭ دەڭگەيى قايتا قارالدى. ياعني, 8 پايىزعا, 1 ليتر ءۇشىن 102 تەڭگەگە دەيىن وزگەردى.
– بۇل ماسەلە مۇناي ونىمدەرىن بولشەك ساۋدادا ساتۋمەن اينالىسۋشىلاردى الاڭداتادى دەپ ويلامايسىز با؟
– ارينە, الاڭداتادى. سوندىقتان, ەلىمىزدە مۇناي ونىمدەرىنىڭ كوتەرمە باعاسىنا مەملەكەتتىك رەتتەۋ شارالارىن ەنگىزۋ جوسپارلانۋدا.
ءبىز دە جانارماي ساتۋشىلارى قاۋىمداستىعىمەن ىنتىماقتاسا جۇمىس جاسايمىز. اتالمىش ماسەلە مۇناي جانە گاز مينيسترلىگىنىڭ ۆەدومستۆوارالىق كوميسسياسىنىڭ وتىرىسىندا كوتەرىلگەن. سوعان وراي, كوتەرمە ساۋداداعى مۇناي باعاسىن رەتتەۋ جونىندەگى ۇسىنىستار قولداۋ تاۋىپ وتىر. ەندىگى مىندەت – وسى ماسەلەنى زاڭناما اياسىندا بەكىتۋدە بولىپ تۇر. قازىرگى كۇنى كوتەرمە ساۋداداعى باعانى رەتتەۋدى قاراستىراتىن زاڭ جوباسىن ازىرلەۋ جۇمىستارى اتقارىلىپ جاتىر. جالپى, بۇگىنگى كۇنى بۇل ماسەلەدەگى الشاقتىق قاۋىپتى دەڭگەيدە جانە كوتەرمە باعانىڭ قانداي دا ءبىر قۇبىلۋى بولشەك ساۋدا ويىنشىلارىن بىردەن قۇردىمعا كەتىرىپ, بانكروت جاساۋى ىقتيمال.
– اڭگىمەڭىزگە راحمەت!
گۇلميرا ايماعانبەت
