فۋتبولدان قازاقستان چەمپيوناتىنىڭ پرەمەر ليگاسىندا 29 تۋردىڭ ويىندارى ءوتتى.
الماتىنىڭ «قايراتى» ءوز الاڭىندا «اقتوبەنى» قابىلداپ, 6:0 ەسەبىمەن ويسىراتا ۇتىپ, 62 ۇپايمەن تۋرنير كەستەسىنىڭ باسىنا شىقتى. ال شىمكەنتتە بولعان «ورداباسى» مەن «استانا» ماتچى تۋردىڭ ەڭ قىزىقتى ءارى تارتىستى ويىنى بولدى دەۋگە نەگىز بار. ولاي دەيتىنىمىز, ەگەر «استانا» بۇل ويىندا جەڭىلىپ قالعاندا بيىل چەمپيون اتاعىنان ايرىلىپ قالاتىن قاۋىپ بولعان. الايدا بۇل باسەكەدە تەڭ ناتيجە تىركەلدى. 1:1 ەسەبى «استانالىقتاردىڭ» التىنشى رەت قاتارىنان چەمپيون اتانۋىنا مۇمكىندىكتى ساقتاپ قالدى. ۇزدىك ۇشتىكتى ازىرگە «توبىل» تۇيىندەپ تۇر.
چەمپيوناتتىڭ اياقتالۋىنا نەبارى 3 تۋر قالدى. وسى ويىنداردا ۇلتتىق بىرىنشىلىكتىڭ جەڭىمپازى مەن جۇلدەگەرلەرىن بىلەتىن بولامىز.
ايتپاقشى, 2019 جىلعى قازاقستان كۋبوگىن قىزىلوردانىڭ «قايسار» كومانداسى جەڭىپ الدى. «استانا ارەنا» ستاديونىندا وتكەن فينالدىق ويىندا «قايسار» مەن «اتىراۋ» نەگىزگى ۋاقىتتا 1:1 ەسەبىمەن تەڭ تۇسكەن, الايدا وۆەر-تايمدا «قايساردىڭ» باعى جانىپ, الداعى جىلى تۇڭعىش رەت ەۋروپا ليگاسىندا ويناۋعا جولداما الدى.
بۇل ماتچتىڭ تاعى ءبىر ايتارلىعى, قوس كوماندانىڭ جانكۇيەرلەرى توبەلەسىپ تارادى.
