مۋزىكالىق جاس كورەرمەن تەاترى استانالىق ونەرسۇيەر قاۋىمعا «كۇلشە قىز» قويىلىمىن ۇسىندى.
«كۇلشە قىز» – تەاترسۇيەر قاۋىمعا بۇرىننان تانىس ايگىلى ەرتەگى. ەرتەگىدە رەنەسسانس داۋىرىندەگى (XIV-XVII ع.) حالىقتىڭ تۇرمىس-تىرشىلىگى كورسەتىلەدى. باستى كەيىپكەر ءاردايىم ومىرىندە ءبىر عاجايىپتىڭ ورىن الاتىنىنا سەنەدى. اناسىنان ەرتە ايىرىلعان كۇلشە قىزدىڭ ءومىرى بىردە ايانىشتى بولسا, ەندى بىردە عاجايىپ وقيعالارمەن الماسىپ وتىرادى. كورەرمەندى تاعدىردىڭ تىلسىم جولدارىنان وتەتىن تاڭعاجايىپ وقيعالارعا قاراي جەتەلەيدى.
اۆتورى: ە.شۆارتس كومپوزيتورى – ا.سپاداۆەككيا. قويۋشى رەجيسسەرى – راسۋل ۋسمانوۆ («ساحناگەر-2019» ۇلتتىق تەاتر سىيلىعىنىڭ يەگەرى). مۋزىكالىق جاس كورەرمەن تەاترى «كۇلشە قىز» مۋزىكالىق ەرتەگىسى ارقىلى ونەر جولىنا قىزىعۋشىلىقپەن قارايتىن دارىندى جاسوسپىرىمدەر مەن بالالاردىڭ قيالىن قوزعاپ, ولاردى ونەرگە قىزىقتىرىپ, قاناتتاندىردى. ەرتەگىنىڭ تاربيەلىك ءمانى – كەز كەلگەن ادام الدىنان كەزدەسكەن قيىندىقتارعا شىداپ, مويىماسا, اقىرى ءبىر جاقسىلىققا كەز بولادى.
