ەلوردالىق ارتىستەر, مۋزىكانتتار مەن كىتاپحاناشىلار قازاقستاندىقتاردى رەۆاكتسيناتسيادان وتۋگە شاقىرادى. كەشە نۇر-سۇلتان قالاسىنىڭ مادەنيەت باسقارماسىنا قاراستى مەكەمەلەردىڭ 50 قىزمەتكەرى №2 قالالىق ەمحانادا ەگىلدى.
وسى ورايدا م.گوركي اتىنداعى مەملەكەتتىك اكادەميالىق ورىس دراما تەاترىنىڭ ديرەكتورى ايبولات ءجاۋدىر كارانتيندىك شەكتەۋلەر كەزىندە ونەر ادامدارى كوپشىلىكتى ساعىنىپ جۇرگەنىن اتاپ ءوتتى. ولار سونىمەن قاتار باسقا ەلدەرگە گاسترولمەن بارعىسى كەلەدى, ويتكەنى ونەردە شەكتەۋ جوق. «ەگەر جاعداي تۇراقتانسا, ءبىز دە سىزدەردى جاڭا سپەكتاكلدەرمەن قۋانتا الامىز. گاسترولگە شىعۋ مۇمكىندىگى پايدا بولادى. پاندەميامەن كۇرەسۋدە اركىم ۇلەس قوسۋى كەرەك. ەڭ الدىمەن, ءسىز ءوزىڭىزدىڭ قاۋىپسىزدىگىڭىز ءۇشىن ۆاكتسينا الۋىڭىز كەرەك. مەن «سپۋتنيك V» ۆاكتسيناسىنىڭ ەكى كومپونەنتىن الدىم, ەندى قازاقستاندىق QazVac ۆاكتسيناسىمەن قايتا ۆاكتسيناتسيالاۋدى جوسپارلاپ وتىرمىن» دەدى ول.
تەاتر ديرەكتورى قوعامدا ۇجىمدىق يممۋنيتەت قالىپتاسپاعان جاعدايدا كوروناۆيرۋستى جەڭۋ مۇمكىن ەمەس ەكەنىن ايتتى. وسىعان بايلانىستى ءار ادام ءوز دەنساۋلىعىنا جاۋاپتى بولۋى كەرەك.
نۇر-سۇلتان قالاسى مادەنيەت باسقارماسىنىڭ باسشىسى سانات شاپاشوۆ مادەنيەت قايراتكەرلەرىنىڭ جۇرتشىلىققا شىعارماشىلىقتان شاشۋ شاشقىسى كەلەتىندەرىن ەسكە سالدى, سوندىقتان تەاترلار مەن كونتسەرت زالدارىنىڭ ەسىگىن اشۋ ماڭىزدى. سپيكەردىڭ ايتۋىنشا, ۆاكتسيناتسيانىڭ تولىق كۋرسىنان 1700 ادام ءوتتى. ەكى اي بويى كۇن سايىن 50 ادام قايتا ۆاكتسيناتسيالانادى دەپ جوسپارلانۋدا. «قازىرگى ۋاقىتتا كىتاپحانالار وقۋ زالدارىنسىز جۇمىس ىستەيدى. ءبىز كىتاپتاردى قابىلدايمىز جانە بەرەمىز. تەاترلار ونلاين رەجيمىندە دايىندىققا كوشتى. ءبىز تەاتر قايراتكەرلەرىمەن بىرقاتار ءدارىس وتكىزۋدى جوسپارلاپ وتىرمىز. فيلارمونيا ارتىستەرى YouTube, ZOOM-دا مۋزىكالىق اسپاپتاردا ويناۋ ساباقتارىن, ۆوكالدى ۇيرەتەتىن بولادى» دەدى ول.
سانات شاپاشوۆتىڭ ايتۋىنشا, قىتايلىق «Hayat-Vax» ۆاكتسيناسىنىڭ ەكى كومپونەنتىن العاننان كەيىن ول ەشقانداي جاناما اسەرلەردى انىقتاماعان. بۇگىن «Sinofarm» پرەپاراتىمەن ەگىلدى.
№2 قالالىق ەمحانا ديرەكتورىنىڭ ەمدەۋ ءىسى جونىندەگى ورىنباسارى مايرا احمەتوۆا ۆاكتسينانى حالىقپەن تىكەلەي جۇمىس ىستەيتىن ماماندار قايتالاپ الاتىنىن ءتۇسىندىردى. بۇل ءىس-شارا الدىڭعى ۆاكتسينالاردىڭ كومەگىمەن ازىرلەنگەن ۆاكتسينادان كەيىنگى يممۋنيتەتتى قولداۋعا باعىتتالعان.
بالاما رەتىندە رەۆاكتسيناتسياعا «سپۋتنيك لايت», «QazVac», «Sinofarm» ۇسىنىلادى. سونداي-اق ەلوردادا ەكى اي بويى «Pfizer» ۆاكتسيناسى ەگىلدى. باسىمدىق قاۋىپ توبىنا كىرەتىن بالالار, جۇكتى ايەلدەر, بالا ەمىزەتىن ايەلدەر مەن قارت ادامدارعا بەرىلەدى. دارىگەردىڭ ايتۋىنشا, نەگىزىنەن, استانالىقتار قازاقستاندىق جانە قىتايلىق ۆاكتسينالارعا كوبىرەك كوڭىل بولەدى.
ءاسيا نۇربەكقىزى
