ەلوردا سپورتشىلارى «ابۋ دابي پلازا» سوو-دا ورنالاسقان ەكپە پۋنكتىندە رەۆاكتسيناتسيادان ءوتتى.
سپورت جانە دەنە شىنىقتىرۋ ىستەرى كوميتەتىنىڭ توراعاسى سامات ەرعاليەۆتىڭ ايتۋىنشا, ۆاكتسيناتسيا كوروناۆيرۋستىڭ اۋىر تۇرىنەن قورعاپ قانا قويمايدى, بۇل سونداي-اق حالىقارالىق جارىستارعا قاتىساتىن سپورتشىلار ءۇشىن باستى تالاپتاردىڭ ءبىرى بولىپ سانالادى. «قازاقستان قۇراماسى دا 100% ۆاكتسيناتسيالاندى. وسى قۇراممەن ولار 4-20 اقپان ارالىعىندا وتەتىن بەيجىڭدەگى وليمپياداعا جولداما الدى. مەن دە ءوزىم جانە وتباسىم, تۋىستارىم ءۇشىن رەۆاكتسيناتسيادان ءوتتىم» دەدى سامات ەرعاليەۆ.
جۇزۋدەن حالىقارالىق دارەجەدەگى سپورت شەبەرى ادىلبەك مۋسين رەۆاكتسيناتسيا, ەڭ الدىمەن, ءوز دەنساۋلىعىم ءۇشىن قاجەت دەپ ەسەپتەيدى. «سپورتشى بولعاندىقتان كۇندەلىكتى جاتتىعۋلار, ءتۇرلى دەڭگەيدەگى جارىستار ءبىز ءۇشىن وتە ماڭىزدى. مەن ۇنەمى جاتتىعۋ جاساپ, وقۋ-جاتتىعۋ جيىندارىنا قاتىسامىن, سوندىقتان دەنساۋلىعىمدى ساقتاۋ ءارى شەتەلدەگى حالىقارالىق جارىستاردا ەلىمىزدىڭ نامىسىن قورعاۋ ءۇشىن رەۆاكتسيناتسيا قاجەت. ءبىز ءوز دەنساۋلىعىمىز ءۇشىن عانا ەمەس, جاقىندارىمىزدىڭ دەنساۋلىعى ءۇشىن دە جاۋاپتىمىز» دەدى سپورت شەبەرى.
ەكپە العانداردىڭ ىشىندە دجيۋ-دجيتسۋدان ۇلتتىق قۇرامانىڭ مۇشەسى گالينا دۋۆانوۆا دا بار. «ءبىرىنشى كەزەكتە وزىڭە عانا ەمەس, اينالاڭداعىلارعا دا, وتباسىڭا دا قامقورلىق جاساۋ كەرەك. سپورتشى بولعاندىقتان جانە شەتەلدەگى جارىستارعا ءجيى باراتىندىقتان, ەكپە العانىمىز تۋرالى قۇجات ۇسىنۋىمىز كەرەك. بۇل ءبىزدىڭ قاۋىپسىزدىگىمىز ءۇشىن دە قاجەت» دەپ اتاپ ءوتتى گالينا دۋۆانوۆا.
