قۇرمەتتى وتانداستار!
پراۆوسلاۆ حريستياندارىن, بارشا قازاقستان ازاماتتارىن جارقىن پاسحا مەرەكەسىمەن شىن جۇرەكتەن قۇتتىقتايمىن!
پراۆوسلاۆتار پاسحاسىنىڭ بيىل قازاقستان حالقىنىڭ بىرلىگى مەيرامىمەن تۇسپا-تۇس كەلۋى تەرەڭ مانگە يە.
ءبىزدىڭ ەلىمىزدە ەل بىرلىگىن نىعايتۋعا ىقپال ەتەتىن ەتنوسارالىق كەلىسىم مەن كونفەسسياارالىق ديالوگتىڭ بىرەگەي ۇلگىسى قالىپتاسقان.
ماڭگىلىك ادامگەرشىلىك قۇندىلىقتارعا ارقا سۇيەي وتىرىپ, ءبىر-ءبىرىمىزدى ءوزارا قۇرمەتتەي جانە قولداي وتىرىپ, ءبىز ورتاق ۇيىمىزدەگى بەيبىتشىلىك پەن كەلىسىمدى نىعايتا بىلدىك.
حريستيان ءدىنىن ۇستاناتىنداردىڭ كونفەسسياارالىق قاتىناستاردى نىعايتۋعا قوسقان ۇلەسى وتە زور. ەلىمىزدەگى بارلىق ءدىني سەنىم وكىلدەرى سەكىلدى حريستياندار دا مەملەكەتتىڭ قوعامدى ۇيىستىرۋعا باعىتتالعان باستامالارىن ءاردايىم قولدايدى.
دوستىق, ءوزارا قۇرمەت پەن تۇسىنىستىك قاتىناستار ءبىزدىڭ ماقتانىشىمىزعا, ورتاق يگىلىگىمىزگە اينالدى.
بۇگىن پاسحا مەيرامى ادامداردى جاقسى ءىس-ارەكەتتەرگە, مەيىرىمدىلىككە جانە اينالاسىنداعىلارعا قامقورلىق جاساۋعا شابىتتاندىرادى, ادامدارعا شاتتىق پەن تاتۋلىق سىيلايدى, جۇرەكتەرىندە ءۇمىت, سەنىم مەن شىنايىلىق سەزىمدەرىن ساقتاۋعا كومەكتەسەدى.
وسىناۋ مەرەكە كۇندەرىندە بارشا قازاقستاندىقتارعا بەيبىتشىلىك, وركەندەۋ مەن اماندىق تىلەيمىن!
قۇتتىقتاۋ پرەزيدەنتتىڭ «اقوردا» رەسمي سايتىندا جاريالانعان
