دانيار سۇلەيمەنوۆ, مەملەكەتتىك قىزمەتكەر:
– تۇرعىن ءۇي الۋدا مەملەكەتتىك قىزمەتكەرلەرگە قانداي جەڭىلدىكتەر قاراستىرىلعان؟
وقىرمان سۇراعىنا مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس اگەنتتىگىنىڭ توراعاسى اليك شپەكباەۆتىڭ جاۋابىن ۇسىنامىز.
قازىرگى ۋاقىتتا اگەنتتىك پرەزيدەنت اكىمشىلىگىنىڭ قولداۋىمەن مەملەكەتتىك قىزمەتشىلەرگە باسپانا الۋدا, زەينەتاقى تاعايىنداۋدا, بالاباقشادان ورىن الۋدا جانە وڭىرلەردەگى ساۋىقتىرۋعا جاعداي جاساۋ ءۇشىن جەڭىلدىكتەر بەرۋ شارالارىن ازىرلەپ جاتىر. مەملەكەت باسشىسىنىڭ بەس الەۋمەتتىك باستاماسى, «7-20-25» باعدارلاماسى بار. دەگەنمەن, تۇرعىن ءۇي قۇرىلىس جيناق بانكىمەن بىرلەسىپ, پايىزدىق مولشەرلەمەنى تومەندەتۋگە باعىتتالعان «5-5-25» باعدارلاماسى جاسالۋدا. بۇل تاسىلدەر مەملەكەتتىك قىزمەتكەر ءۇشىن قولايلى بولادى.
ايتا كەتەيىك, 2019 جىلدان باستاپ مەملەكەتتىك قىزمەتكەرلەردىڭ جالاقىسى جاڭا جۇيەمەن تولەنىپ, ەڭبەكاقىنىڭ ەداۋىر ۇلعاياتىنى بەلگىلى بولدى.
