ەرتەڭ ۇستازداردىڭ كاسىبي مەرەكەسى – مۇعالىم كۇنى. مەكتەپ جۇرەگىنە بالانعان مۇعالىمدەر مەرەكەسىنە وراي كەشەدەن بەرى استانالىق ۇستازدار قاۋىمىنا قۇرمەت كورسەتىلۋدە. بۇگىنگى تاڭدا ەلوردانىڭ ءبىلىم بەرۋ مەكەمەلەرىندە 17 مىڭنان اسا پەداگوگ قىزمەت ەتەدى. نۇر-سۇلتان قالاسىنىڭ اكىمى التاي كولگىنوۆ استانالىق ۇزدىك ۇستازدارعا 40 ميلليون تەڭگە كولەمىندە قارجىلىق سىياقى بەردى.
العاش رەت قالا باسشىسى اتىنان «نۇر-سۇلتان قالاسىنىڭ قۇرمەتتى پەداگوگى» مەدالىنىڭ يەگەرلەرىنە 833 مىڭ تەڭگە تولەنەدى. سونىمەن بىرگە بىرقاتار وقۋ ورنىنا 9 ملن تەڭگەدەن اكىم گرانتى بەرىلدى.
قالا اكىمى التاي كولگىنوۆ ۇستازداردى كاسبي مەرەكەسىمەن قۇتتىقتاپ, ولاردىڭ قىزمەتىنە تابىس تىلەدى. «ەلوردادا جىل سايىن وقۋ ورىندارىن سالىپ جاتىرمىز. بيىل سالىنعان مەكتەپتەر سانى وتكەن جىلمەن سالىستىرعاندا ەكى ەسەگە ارتىق. وسى جىلى 12 مەكتەپ سالىندى. كەلەسى جىلى تاعى سونشا مەكتەپ سالىنادى. وقۋ ورىندارىن زاماناۋي جابدىقتارمەن جابدىقتاپ, يننوۆاتسيالىق تەحنولوگيالاردى ەنگىزەمىز. مەملەكەت باسشىسى «پەداگوگ مارتەبەسى تۋرالى» زاڭعا قول قويدى. وسى جىلدىڭ 1 قاڭتارىنان باستاپ پەداگوگتاردىڭ جالاقىسى 25 پايىزعا, ودان ءارى 2024 جىلعا دەيىن تاعى دا 25 پايىزعا وسەدى. وتكەن جىلى ءبىز تۇرعىن ءۇي ساتىپ الۋ ءۇشىن الەۋمەتتىك جاردەماقى تۇرىندە 1 ملن تەڭگە كولەمىندە 275 تۇرعىن ءۇي سەرتيفيكاتىن وتەۋسىز نەگىزدە بولدىك. بيىل دا ۇستازدارىمىزعا تۇرعىن ءۇي جاعدايىن جاقسارتۋعا كومەكتەسەمىز. قازاقستاندىق يپوتەكالىق كومپانيامەن بىرلەسىپ 1 مىڭ الەۋمەتتىك پاتەر بەرەمىز. بۇل پاتەرلەر مۇعالىمدەرگە, الەۋمەتتىك قىزمەتكەرلەرگە, پوليتسيا قىزمەتكەرلەرىنە, دارىگەرلەرگە, ءورت سوندىرۋشىلەرگە, مادەنيەت جانە سپورت قايراتكەرلەرىنە بەرىلەدى. تۇلەكتەرگە دە قولداۋ كورسەتىلەدى. ماماندىقتى تەگىن وقۋعا 900-گە جۋىق گرانت ءبولىندى. قابىلدانىپ جاتقان شارالار جۇمىس ءۇشىن نەعۇرلىم قولايلى جاعداي جاساۋعا جانە بالالاردىڭ ساپالى ءبىلىم الىپ, باسەكەگە قابىلەتتى بولۋىنا باعىتتالعان. ءسىزدىڭ قاجىرلى ەڭبەگىڭىز ءۇشىن العىس ايتامىن!» دەدى كولگىنوۆ.
ەلوردالىق پەداگوگتارعا «حالىق العىسى», «ەڭبەك ارداگەرى» مەدالدارى, «قازاقستان رەسپۋبليكاسىنىڭ ءبىلىم بەرۋ ءىسىنىڭ قۇرمەتتى قىزمەتكەرى» جانە ءبىلىم جانە عىلىم مينيسترلىگىنىڭ «ى.التىنسارين» ءتوس بەلگىلەرى, گراموتالار جانە ت.ب. تابىس ەتىلدى.
