2016 جىلى قر تاۋەلسىزدىگىنە 25 جىل تولدى. تاۋەلسىزدىكتىڭ 25 جىلدىعىنا ارنالعان دەكلاراتسيا قابىلداندى. استانادا «بەيبىتشىلىك پەن كەلىسىمنىڭ 25 جىلى» اتتى فەستيۆالى, ءماجىلىس دەپۋتاتتارىنىڭ كەزەكتەن تىس سايلاۋى ءوتتى. بۇل جىلى جاڭا جەر رەفورمالارى بولدى. ەلوردانىڭ عانا ەمەس, ەلدىڭ الەۋەتىن كوتەرەتىن ءوندىرىس ورىندارى اشىلدى. مادەني-رۋحاني قۇندىلىقتار دارىپتەلدى. وسىنداي ەل بەدەرىندەگى ەلەۋلى وقيعالار باسىلىم بەتىندە جارىق كوردى.
تاۋەلسىزدىككە تارتۋ
2016 جىلعى باسىلىمنىڭ تاريحي ەرەكشەلىگى – ەل تاۋەلسىزدىگىنىڭ 25 جىلدىعىن تەرەڭنەن قوزعاعان. «تاۋەلسىزدىككە تارتۋ» ايدارىمەن تسيكلدى ماقالالار جاريالانىپ وتىرعان. سونداي-اق مەرەيلى مەرەكە استاناداعى «سارىارقا» رەسپۋبليكالىق ۆەلوترەگىندە مەملەكەت باسشىسى نۇرسۇلتان نازارباەۆتىڭ قاتىسۋىمەن ەل تاۋەلسىزدىگىنىڭ 25 جىلدىعىنا ارنالعان قازاقستان حالقى اسسامبلەياسى ەتنومادەني بىرلەستىكتەرىنىڭ ەكسپو قالاشىعىندا تاۋەلسىزدىكتىڭ 25 جىلدىعىنا ارنالعان مونۋمەنت اشىلدى. ەڭبەگى سىڭگەن ازاماتتارعا «قازاقستان تاۋەلسىزدىگىنە 25 جىل» توسبەلگىسى تابىستالدى. تاۋەلسىزدىك مەرەكەسىندەگى وسىنداي ماڭىزدى شارالار باسىلىم بەتىنەن ويىپ ورىن الدى.
سايلاۋ وتكەن جىل
بۇل جىلى قر پارلامەنتى ءماجىلىسىنىڭ كەزەكتەن تىس جانە ءتۇرلى دەڭگەيدەگى ءماسليحات دەپۋتاتتارىنىڭ كەزەكتى سايلاۋى ءوتتى. پارلامەنتكە «نۇر وتان», «اق جول», «قكپ» پارتيالارىنىڭ وكىلدەرى ءوتتى. بۇل قازاقستان تاريحىنداعى جەتىنشى پارلامەنتتىك سايلاۋ ەدى. ءماجىلىس توراعاسى نۇرلان نىعماتۋللين بولدى. بۇعان دەيىن ول پرەزيدەنت اكىمشىلىگىنىڭ باسشىسى قىزمەتىن اتقارعان. استانا قالالىق ءماسليحاتىنىڭ دەپۋتاتتارىن سايلاۋ 25 وكرۋگ بويىنشا جۇرگىزىلىپ, 56 ۇمىتكەر سايلاۋعا تۇسكەن. باسىلىمنىڭ كەيىنگى نومىرلەرىندە سايلانعان دەپۋتاتتاردىڭ جۇمىس بارىسى دا جاريالانىپ وتىردى.
جەر رەفورماسى
2016 جىل ەل تاعدىرى – جەر تاعدىرى سىنعا سالىنعان جىل بولدى. بۇل جىل جاڭا جەر رەفورمالارى بولدى. ەلباسى نۇرسۇلتان نازارباەۆ جەر كودەكسىنە 2021 جىلدىڭ سوڭىنا دەيىن تۇزەتۋلەر ەنگىزۋگە 5 جىل موراتوري جاريالادى. سونىمەن قاتار جەر رەفورماسىنا قاتىستى رەسپۋبليكالىق كوميسسيا قۇرىلدى.
العىس ايتۋ كۇنى
1 ناۋرىزدا تۇڭعىش رەت العىس كۇنى مەرەكەلەندى. مەملەكەت باسشىسى نۇرسۇلتان نازارباەۆتىڭ جارلىعىمەن بەكىتىلگەن العىس ايتۋ كۇنى مەرەكەسى ەلىمىزدە ءبىرىنشى رەت تويلانىپ, ەلوردا وقۋشىلارى مەن ەتنومادەني بىرلەستىك مۇشەلەرى مەرەكەنى ۇلتتىق مۋزەيدە كەڭىنەن اتاپ ءوتتى.
ىسكەرلىك كەزدەسۋلەر
2016 جىل ەلوردا باسشىسىنىڭ ىسكەرلىك كەزدەسۋلەرىمەن دە ەستە قالدى. رف پەنزا وبلىسىنىڭ گۋبەرناتورى يۆان بەلوزەرتسەۆ باستاعان دەلەگاتسيانىڭ كەلۋى ەكى جاقتى ساۋدا-ەكونوميكالىق جانە الەۋمەتتىك-مادەني قارىم-قاتىناستاردى دامىتۋ ماسەلەلەرى تالقىلانسا, سوچي قالاسىنىڭ مەرى اناتولي پاحوموۆتىڭ كەلۋى تۋريستىك تارتىمدىلىعىن ارتتىرۋدى كوزدەيتىن ءوزارا ىنتىماقتاستىق ورناتۋ جانە وسى سالادى تاجىريبە الماسۋ تۋرالى كەلىسىم جاساۋعا نەگىز بولعان. بۇل جىلى چەليابى وبلىسىنىڭ استاناداعى كۇندەرى, سونداي-اق تاۋەلسىزدىكتىڭ 25 جىلدىعى اياسىندا ماسكەۋدە استانانىڭ كۇندەرى ءوتتى. وسىنداي رەسمي شارالار باسىلىم بەتىنە ارنايى تاقىرىپتارمەن جاريالانىپ وتىرعان.
بۇرىمدىلار جەڭىس تۋىن كوتەردى
2016 جىل استانادا بوكستان ايەلدەر اراسىنداعى الەم چەمپيوناتى ءوتتى. بۇرىمدى بوكسشىلاردىڭ بايراقتى باسەكەسىندە قازاق ارۋلارى 4 التىن, 2 قولا مەدال ولجالاپ, قازاقستان قۇراماسى كوماندالىق ەسەپتە ءبىرىنشى ورىندى يەلەندى. بۇل بۇرىن بولماعان تولاعاي جەتىستىك دەلىنگەن ماقالادا.
تۇرمىسقا قاجەتتى تاۋارلار
2016 جىلدىڭ 1شىلدەسىندە استانادا «Ipek Kagit Central Asia» جشس-ءنىڭ سانيتارلىق-گيگيەنالىق جانە تۇرمىسقا قاجەتتى قاعاز ونىمدەرىن ءوندىرۋ زاۋىتىن ىسكە قوستى. زاۋىت جۇمىسى يندۋستريالدى-يننوۆاتسيالىق دامۋدىڭ مەملەكەتتىك باعدارلاماسىنىڭ ىسكە اسىرۋعا ارنالعان جالپىۇلتتىق تەلەكوپىردە تانىستىرىلدى. وعان مەملەكەت باسشىسى نۇرسۇلتان نازارباەۆ قاتىستى. سەرىكتەستىك جىلىنا 16400 توننا ءونىم شىعارادى دەلىنگەن. كاسىپورىننىڭ ديرەكتورى فاتيح دىرىكتىڭ ايتۋىنشا, سول جىلى زاۋىتتا 53 ادام جۇمىسپەن قامتىلعان. زاۋىتتا شىعارىلعان ونىمدەر وتاندىق سۇرانىستى عانا وتەپ قويماي, الىس-جاقىن شەتەلدەرگە دە ەكسپورتتالاتىنى ايتىلعان.
بىرەگەي كومبينات
2016 جىلى ەلورداداعى يندۋستريالدى پارك اۋماعىندا «GLB» ءۇي قۇرىلىسى كومبيناتى اشىلدى. بۇرىن-سوڭدى قازاقستاندا وسى سالامەن اينالىساتىن تولىق تسيكلدى بىردە-ءبىر زاۋىت بولماعان. جاڭا نىساننىڭ باستى ەرەكشەلىگى دە سوندا دەيدى اۆتور.
بالاماسى جوق ءبىلىم ورداسى
2016 جىل بەدەرىندە ەلىمىزدىڭ جانە ەلوردا تاريحىندا مادەني-رۋحاني شارالار كوپ بولدى. سونىڭ ءبىرى – استانادا ورتا ازيا بويىنشا بالاماسى جوق وقۋ ورداسى قازاق ۇلتتىق حورەوگرافيا اكادەمياسىنىڭ اشىلۋى. بۇل جەردە ۇلتتىق بالەت پەن بي شەبەرلەرىنىڭ جاڭا شوعىرى وقىپ-تاربيەلەنەدى. مۇندا قازاقستاندىق سالت-ءداستۇر دامىپ, الەمدىك دەڭگەيدەگى بي ونەرىن دامىتۋعا جاڭاشا قادامدار جاسالاتىن بولادى. ۇلتتىق حورەوگرافيا اكادەمياسى – ءبىزدىڭ ەلىمىزدە عانا ەمەس, بۇكىل ورتالىق ازيا ەلدەرىندەگى وسى ۇلگىدەگى العاشقى جوعارى وقۋ ورنى. وندا قازاقستاندىقتارمەن بىرگە شەت ەلدەردىڭ شىعارماشىل دارىندى جاستارى وقيتىنى ايتىلعان.
استانا-ترياتلون – ەرەكشە پارك
2016 جىلى ەلوردادا ەرەكشە سپورت نىسانى – استانا-ترياتلون پاركى اشىلدى. سپورت كەشەنىندە ستريت ۆوركاۋت الاڭقايى, بالالارعا ارنالعان الاڭدار, تەننيس كورتى مەن جەڭىل اتلەتيكالىق مانەج اشۋ دا جوسپارلانعان.
اتشاپتىرىم القاپتى الىپ جاتقان سپورت نىسانى سالاۋاتتى ءومىر سالتىن قولدايتىندار ءۇشىن تاماشا تارتۋ بولدى. مۇنداي سپورت نىسانى تەك قانا ەلىمىزدە ەمەس, تمد ەلدەرى بويىنشا تۇڭعىش اشىلىپ وتىرعانىن اتاپ وتكەن ءجون.
