تامىز ايىنىڭ ءبىرىنشى جەكسەنبىسى – كولىك جانە بايلانىس قىزمەتكەرلەرىنىڭ كاسىبي مەرەكەسى. اتاۋلى كۇنى سالتاناتتى شارالار الماتى اۋدانىندا جىل سايىن ءداستۇرلى تۇردە ۇيىمداستىرىلىپ تۇرادى.
بيىل دا كاسىبي مەرەكە قارساڭىندا جەلەزنودوروجنىي كەنتىندە قىرقىنشى ستانتسياسىنىڭ تەمىرجولشىلارىن ماراپاتتاۋ ءراسىمى ءوتتى. «قازاقستاننىڭ كۇرە تامىرىنا قان جۇگىرتىپ جۇرگەن ارامىزداعى قۇرمەتتى تەمىرجول قىزمەتكەرلەرى قانداي قۇرمەتكە بولسا دا لايىق» دەي كەلە, الماتى اۋدانى اكىمىنىڭ ورىنباسارى ءتۇسىپ رىسپەكوۆ وسى سالانىڭ ءبىر توپ تارلاندارىنا العىس حاتتار ۇسىندى. ستانتسيا باستىعى گوسمان تاجەنوۆ تە ەڭبەگىمەن ەلەنگەن ازاماتتارعا قۇرمەت ءبىلدىردى.
مەرەكەلىك شارا بارىسىندا تەمىرجول قىزمەتىنىڭ ارداگەرلەرى نيكولاي پۋگاچەۆ, مارات بەيسەنوۆ جانە روزا قالاباەۆا وزدەرىنىڭ يگى تىلەكتەرى مەن العىس سەزىمدەرىن جەتكىزدى.
