الداعى جىلى مىندەتتى الەۋمەتتىك مەديتسينالىق ساقتاندىرۋدىڭ ۇلتتىق باعدارلاماسى باستالادى. بۇگىن «كەرەك كەڭەس» ايدارىندا ءمامس بويىنشا ەڭ وزەكتى سۇراقتارعا جاۋاپ بەرەمىز. 2020 جىلدىڭ قاڭتارىنان باستاپ جۇمىس بەرۋشى مەديتسينالىق ساقتاندىرۋ قورىنا ەسەپتەلگەن كىرىستىڭ 1 پايىزىن ءسىزدىڭ جالاقىڭىزدان ۇستاپ, اۋدارۋدى باستايدى (2022 جىلدان باستاپ – 2 پايىز). شەگەرىمدەر ءۇشىن ەڭ تومەنگى 10 جالاقىنىڭ 1 پايىزى قۇرالادى. جۇمىس بەرۋشى قىزمەتكەرلەرگە اۋدارىم جاساۋدى جالعاستىرادى: 2020-2021 جىلدارى – 2 پايىز, 2022 جىلى – 3 پايىز.
مەديتسينالىق ساقتاندىرۋعا نە ءۇشىن تولەۋ كەرەك؟
مەديتسينالىق ساقتاندىرۋ تولەمدەرىن اۋدارۋ مەديتسينالىق قىزمەتتەردىڭ ساقتالۋىنا قۇقىق بەرەدى. ياعني ول – تەگىن قىزمەتتەر. سوندىقتان ساقتاندىرۋى بار ادامدار تەكسەرۋ مەن ەمدەلۋگە كەتەتىن شىعىندارى تۋرالى الاڭداماۋىنا بولادى. ساقتاندىرۋى جوق ادامدارمەن سالىستىرعاندا ساقتاندىرۋى بار ادامدارعا مەديتسينالىق كومەك كوبىرەك قولجەتىمدى. بىراق ەشتەڭە تولەمەيتىندەر دە مەديتسينالىق كومەكسىز قالمايدى. ولار ۋچاسكەلىك تەراپەۆتكە بارىپ, تەكسەرۋدەن ءوتىپ, بىرقاتار اۋىر سىرقاتتاردى ەمدەي الادى. بارلىق جەدەل مەديتسينالىق كومەك اقىسىز كورسەتىلەدى.
مەملەكەت كىمگە تولەيدى؟
زاڭعا سايكەس, ەلدىڭ بارلىق جۇمىس ىستەيتىن تۇرعىندارىنىڭ كىرىستەرى مىندەتتى الەۋمەتتىك مەديتسينالىق ساقتاندىرۋ ء(مامس) بويىنشا الىنادى. اعىمداعى جىلى جۇمىسشىلار جالاقىسىنىڭ 1,5 پايىزىن تەك جۇمىس بەرۋشىلەر شەگەرەدى. ادامنىڭ مەملەكەتتىك قۇرىلىمدا نەمەسە جەكە كاسىپكەردە جۇمىس ىستەيتىنى ماڭىزدى ەمەس. جۇمىس بەرۋشى بۇل تولەمدەردى ءوز قاراجاتى ەسەبىنەن جۇرگىزۋگە مىندەتتى.
مەديتسينالىق ساقتاندىرۋ زاڭمەن ەنگىزىلەدى. سالىق مىندەتتەمەلەرىن ورىنداۋ نەگىزىندە جۇمىس بەرۋشىلەردىڭ, كاسىپكەرلەردىڭ جانە جەكە كاسىپپەن اينالىساتىن تۇلعالاردىڭ قىزمەتىن مەملەكەتتىك كىرىس دەپارتامەنتى قاداعالايدى. كەشىكتىرىپ تولەگەنى ءۇشىن ايىپپۇل تولەيدى, قاساقانا تولەمەۋشىلەردىڭ شوتى بۇعاتتالادى.
كىم ءوزى تولەيدى؟
2020 جىلدان باستاپ جەكە كاسىپكەرلەر, شارۋا قوجالىقتارىنىڭ يەلەرى (جەكە زاڭگەرلەر, سوت ورىنداۋشىلارى) جەرگىلىكتى الەۋمەتتىك ساقتاندىرۋ جۇيەسىنە اي سايىن ەڭ تومەنگى جالاقىنىڭ 1,4 ەسەلەنگەن مولشەرىنەن 5 پايىز مولشەرىندە اۋدارادى. اعىمداعى جىلى جارنا 2975 تەڭگەنى قۇرايدى.
ەڭ تومەنگى جالاقى جىلدان-جىلعا وزگەرىپ وتىراتىندىقتان, 2020 جىلى جارنا مولشەرى ءارتۇرلى بولۋى مۇمكىن.
قالعان بارلىق تۇرعىندار (وزدىگىنەن تولەۋشىلەر) مەديتسينالىق ساقتاندىرۋ ءۇشىن ەڭ تومەنگى جالاقىنىڭ 5 پايىز مولشەرىندە تولەي الادى. 2019 جىلعى باعامەن – 2125 تەڭگە.
تۇراقتى كىرىسى نەمەسە رەسمي ەڭبەك شارتى بولماسا دا مەديتسينالىق ساقتاندىرۋعا قاتىسا الادى. بۇل مۇمكىندىك ءوزىن-ءوزى جۇمىسپەن قامتىعان قازاقستاندىقتارعا, ياعني جەكە تۇلعالارعا قىزمەت كورسەتەتىن ادامدارعا بەرىلدى. ءوز بەتىنشە ەڭبەك ەتۋشىلەر بىرىڭعاي جيىنتىق تولەم جاساي الادى. ەڭ از شەگەرىمدەر ءۇشىن (0,5-1 اەك) ازامات زەينەتاقى (ونىڭ ەڭبەك ءوتىلى بولادى), الەۋمەتتىك جانە مەديتسينالىق ساقتاندىرۋ سياقتى بىردەن ءۇش الەۋمەتتىك جۇيەنىڭ مۇشەسى بولادى. ءوسپ تولەمىن 2020 جىلى كەمىندە قاتارىنان ءۇش ايعا تولەۋ مەديتسينالىق ساقتاندىرۋ قىزمەتىنىڭ پاكەتىنە جول اشادى.
جادىرا مۇراتبەكوۆا
