ۇلان-بايتاق قازاق جەرى – ەڭ كەمىندە 3-5 مىڭ جىلدىق تاريحى بار كونە مادەنيەتتىڭ, كوسەمدەر مەن باتىرلاردىڭ, قاھارمانداردىڭ ولكەسى. ءاربىر قالا ءوزىنىڭ باسىنان كەشكەن ۋاقيعالارىمەن تاريح ساحناسىندا تەرەڭ ءىز قالدىرعان. سونىڭ ءبىرى – قازاق جەرىنىڭ جۇرەگىن اقمولاعا اۋىستىرۋى. مەن وسى وزگەرىستىڭ كۋاگەرى بولعانىما وتە قۋانىشتىمىن. اقمولا قالاسىنىڭ ەلدىڭ جۇرەگى – استاناعا اينالۋى – عاجايىپ قۇبىلىس.
قازاق ىرىمى بويىنشا, جاڭا تۋعان سابيگە قانداي ات تاڭداسا, سونداي تاعدىرعا يە بولادى. سوندىقتان, قازاقتار ات تاڭداۋعا اسا مۇقيات. مەنىڭ ويىمشا, قالا دا ادامعا ۇقساس, ادام سياقتى تۋىپ, سابيلىك كەزىنەن وتەدى. ءجاسوسپىرىم كەزىنەن جەتىلەدى, بويجەتكەن قىزداي گۇلدەنەدى, ءتۇرلى تاريحي ۋاقيعالاردى باسىنان كەشىرىپ, اقساقال جاسىنا كەلىپ, تۇرعىنداردىڭ تاعدىرلارىمەن ساباقتاسا ءومىر سۇرە بەرەدى.
كەز كەلگەن قالا تۇرعىنىنا, قۇربى-قۇرداستارىما «استانا ورناعانعا دەيىنگى اقمولا ءوڭىرى قانداي تاريحي وقيعالارمەن ەسكە تۇسەدى؟» دەگەن سۇراقتى قويسام, تىڭ جانە تىڭايعان جەردى يگەرۋ كەزەڭىن اۋىزعا الادى. قالا تسەلينوگراد دەپ اتالاتىن. وبلىستىڭ جەرى كەڭ, قۇنارلى بولعاندىقتان, تىڭ جەرلەر يگەرىلىپ, استىقتى ولكەگە اينالدى. سول زاماندا قالاعا باسقا اۋماقتان اعىلىپ حالىق كەلىپ قونىستانا باستادى. بۇل قازىرگى جاعدايداعى استانا ومىرىنە ۇقساس كەلەدى.
قالا تاريحىنىڭ اسا ماڭىزدى شاعى – اقمولا قالاسىنىڭ ەل ورتالىعى –استانا قالاسىنا اينالۋى. 1997 جىل جاڭا زامان لەبىن اكەلدى. استانا تاريحىنىڭ جاڭا پاراقتارى اشىلدى. جاڭا قالا نۇرلى ۇمىتتەردىڭ ورداسىنا, ادامداردىڭ ارمانىنا قانات بىتىرەر جاسامپازدىقتىڭ وشاعىنا اينالدى.
ءمولدىر شايماردانوۆا,
رايىمبەك باتىر اتىنداعى
№50 «قازعارىش» مەكتەپ-ليتسەيىنىڭ وقۋشىسى
