جاڭالىقتار
نۇرسۇلتان نازارباەۆ قىرعىز رەسپۋبليكاسىنىڭ پرەزيدەنتى المازبەك اتامباەۆقا كوڭىل ايتۋ جەدەلحاتىن جولدادى
مەملەكەت باسشىسى نۇرسۇلتان نازارباەۆ قىرعىز رەسپۋبليكاسىنىڭ پرەزيدەنتى المازبەك اتامباەۆقا كوڭىل ايتۋ جەدەلحاتىن جولدادى, دەپ حابارلايدى اقوردانىڭ ءباسپاسوز قىزمەتى.
ەلباسى ماسكەۋ قالاسىنداعى باسپاحانادا شىققان ءورت پەن بىشكەك-وش تاس جولىنداعى جول-كولىك وقيعاسى سالدارىنان قىرعىز رەسپۋبليكاسى ازاماتتارىنىڭ قازا بولعانى تۋرالى سۋىت حاباردى زور كۇيزەلىسپەن قابىلدادى.
نۇرسۇلتان نازارباەۆ ازا تۇتىپ جاتقان باۋىرلاس قىرعىز حالقىنىڭ قايعىسىنا ورتاقتاسىپ, قازا بولعانداردىڭ تۋىستارى مەن جاقىندارىنا قازاقستان حالقىنىڭ جانە جەكە ءوزىنىڭ اتىنان كوڭىل ايتتى.
قازاقستان پرەزيدەنتى زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
