ەركەعالي راحماديەۆ اتىنداعى مەملەكەتتىك اكادەميالىق فيلارمونيا قىزمەتكەرلەرى اراسىندا جىل سايىنعى ءداستۇر بويىنشا فۋتبولدان «FILARMONIA CUP-2024» جارىسى ءوتتى.
جارىستىڭ اشىلۋ سالتاناتىندا استانا قالاسى مادەنيەت باسقارماسىنىڭ باسشىسى جاڭاباي مەيىرمانقۇلوۆ پەن استانا قالاسى فۋتبول فەدەراتسياسىنىڭ پرەزيدەنتى, قالالىق ءماسليحات دەپۋتاتى داۆيد لوريا كوماندالارعا ساتتىلىك تىلەدى.
تارتىستى وتكەن جارىستىڭ ناتيجەسىندە «Alem» زاماناۋي بي بالەتى «FILARMONIA CUP – 2024» كۋبوگىن يەلەندى. ەكىنشى ورىندى قازاق وركەسترى الدى. ال ساحنا قىزمەتكەرلەرىنەن قۇرالعان كوماندا جۇلدەلى ءۇشىنشى ورىنعا شىقتى. جارىسقا قاتىسقان باسقا دا كوماندالار ءتۇرلى اتالىمدار بويىنشا ماراپاتتالدى.
