استانالىق ساياباقتا وليمپيادا كۇنى اتالىپ ءوتىلدى. بيىل وليمپيادا جىلى بولعاندىقتان ايتۋلى شاراعا قاتىسۋشىلار دا كوپ بولدى.
قر ۇلتتىق وليمپيادا كوميتەتى مەن استانا قالاسىنىڭ دەنە تاربيەسى جانە سپورت باسقارماسى ۇيىمداستىرعان شارانىڭ اشىلۋ سالتاناتىندا سەرىك ساپيەۆ, يۋري مەلنيچەنكو, اسحات جيتكەەۆ جانە باسقا دا اتاقتى سپورتشىلار قاتىسىپ, مەرەكەگە قاتىسۋشىلارعا تىلەكتەرىن جەتكىزدى. شارا بارىسىندا قاتىسۋشىلار ريو-دە-جانەيرو ويىندارىندا ەل نامىسىن قورعايتىن سپورتشىلارىمىزعا ارنايى جاسالعان قابىرعادا تىلەكتەرىن جازۋعا مۇمكىندىك الدى. وسى رەتتە بالالاردىڭ بەلسەندىلىگى ەرەكشە كورىندى. بۇل جۇرەكجاردى لەبىزدەر سپورتشىلاردىڭ رۋحىن كوتەرەتىنى ءسوزسىز.
سونىمەن قاتار, وليمپيادا كۇنىنە وراي 60 جانە 100 مەترگە جۇگىرۋدەن جارىس ۇيىمداستىرىلدى. ال كىشكەنتاي بالالار بولسا سپورت تاقىرىبىندا سۋرەت سالۋ سايىسىنا قاتىستى.
عالىم قوجابەكوۆ
