«وندىرىستە» اشىلعان اۋلا كلۋبى

ەلوردادا كوپبالالى, تۇرمىسى تومەن جانە تولىق ەمەس وتباسىنان شىققان بالالار مەن جاسوسپىرىمدەرگە ارنالعان جاڭا «زامانداس» وتباسىلىق اۋلا كلۋبى اشىلدى. جاڭا كلۋب «ءوندىرىس» كەنتىندە (لەسوزاۆود) ورنالاسقان №49 ورتا مەكتەبىنىڭ بازاسىندا اشىلدى. قوسىمشا ءبىلىم بەرۋ جانە دامىتۋ دەمالىسىمەن حالىقتىڭ الەۋمەتتىك وسال توپتارىنان 200-دەن استام بالانى قامتۋ جوسپارلانۋدا.«بيىلعى جىلى ەلوردادا حالىقتىڭ الەۋمەتتىك وسال توپتارىنىڭ بالالارىنا ارنالعان اۋلا كلۋبتارىنىڭ سانى كوبەيگەنى قۋانتادى. مۇندا ولار تەگىن ءبىلىم الىپ, ءارتۇرلى ۇيىرمەلەرگە قاتىسادى. بوس ۋاقىتىن ءتيىمدى وتكىزە وتىرىپ, ءوزىنىڭ دامۋ جاڭا باعىتىن ايقىندايدى. «Samruk-Kazyna Trust» قورىنىڭ قولداۋىمەن بارلىعى 5 كلۋب اشىلدى, وندا 2 200-دەن استام بالا بار» دەپ مالىمدەدى «Samruk-Kazyna Trust» الەۋمەتتىك جوبالاردى دامىتۋ قورىنىڭ باس ديرەكتورى دياس ازبەرگەنوۆ.
بالالار مەن جاسوسپىرىمدەرگە ارنالعان «زامانداس» كلۋبىندا تەگىن 20 ۇيىرمە بار: ارت-تەراپيا, حورەوگرافيا, شاحمات, ساندىك-قولدانبالى ونەر, اۆيامودەلدەۋ, تەاتر ۇيىرمەسى, كاراتە, مۋزىكالىق (دومبىرا), ۋ-شۋ, كۋنگ-فۋ, ۆوكال, سويلەۋدى دامىتۋ, توعىزقۇمالاق, روبوتوتەحنيكا, اعىلشىن جانە قازاق ءتىلى كۋرستارى جانە ت.ب.«بيىلعى جىلى ەكى جاڭا اۋلا كلۋبى اشىلدى, بىرەۋى – وسىندا, ءوندىرىس كەنتىندە, ال ەكىنشىسى – سيليكاتنىي كەنتىندە. مۇندا ءوز قىزمەتىن تەگىن ۇسىناتىن دامۋ ورتالىقتارى وتە از. بۇل تۇرعىدا تۇرمىسى تومەن وتباسىلار ءۇشىن قيىن. «زامانداس» وتباسىلىق اۋلا كلۋبىندا بالالار فۋتبول, حورەوگرافيا, شاحمات, ۆوكال, قويان-قولتىق كۇرەس سياقتى ءۇيىر­مەلەردە جاتتىعۋلارمەن اينالىسا الادى» دەدى «زامانداس 21» قوعامدىق قورىنىڭ ديرەكتورى ءلاززات الشىنوۆا.
سونداي-اق جاڭا كلۋبتا مەدياتسيا كابينەتى ۇيىمداس­تىرىلعان, وندا «زامانداس» كلۋبىنىڭ ماماندارى ازىرلەگەن «باقىتتى وتباسى» كلۋبى اياسىندا پسيحولوگ اتا-انالارمەن جانە بالالارمەن جۇمىس ىستەيدى. جىل سايىن «باقىتتى وتباسى» كلۋبى اتا-انالارعا كومەك كورسەتەدى, ولار ءۇشىن وتباسىنداعى قولايلى جاعداي جاساۋعا, ەرەسەكتەر مەن بالالار اراسىنداعى ءوزارا تۇسىنىستىككە باعىتتالعان ترەنينگتەر مەن كەڭەستەر ۇيىمداس­تىرادى. بارلىق قىزمەتتەر تەگىن كورسەتىلەدى.