كەشە ەلوردادا «Saryarqa Jugiru» اتتى ونلاين-جارىس باستالدى. سپورتتىق ءىس-شارا ءبىر اپتاعا سوزىلادى. جارىسقا www.jgr.kz ۆەب-سايتىندا 13 جەلتوقسانعا دەيىن تىركەلۋگە بولادى. نۇر-سۇلتان قالاسى اكىمدىگىنىڭ قولداۋىمەن ءوتىپ جاتقان سپورتتىق ءىس-شارا ۇيىمداستىرۋشىلارى – قازاقستان رەسپۋبليكاسىنىڭ جەڭىل اتلەتيكا فەدەراتسياسى جانە نۇر-سۇلتان جەڭىل اتلەتيكا فەدەراتسياسى.
قالا اكىمى, نۇر-سۇلتان جەڭىل اتلەتيكا فەدەراتسياسىنىڭ پرەزيدەنتى التاي كولگىنوۆ, رەسپۋبليكالىق فەدەراتسيانىڭ ءبىرىنشى ۆيتسە-پرەزيدەنتى ەلدار تابانوۆ جانە رەسپۋبليكالىق فەدەراتسيانىڭ باس حاتشىسى اسحات سەيسەمبەك «Saryarqa Jugiru» ونلاين-جارىسىن ۇيىمداستىرۋ, 2022 جىلعى ازيا چەمپيوناتىنا دايىندىق جانە 2021 جىلعا ارنالعان جۇمىس جوسپارى ماسەلەلەرىن الدىن الا تالقىلادى.
ونلاين-جارىس بۇقارالىق سپورتتى دامىتۋعا جانە پاندەميا كەزىندە ازاماتتاردىڭ سالاۋاتتى ءومىر سالتىن ساقتاۋعا باعىتتالعان. جۇگىرۋ قاشىقتىعى – 5 شاقىرىم. قاتىسۋشىلار وسى قاشىقتىقتى ءبىر اپتا ىشىندە جانە بىرنەشە رەت كەز كەلگەن ىڭعايلى ۋاقىتتا ەڭسەرە الادى. جەڭىمپازدى انىقتاۋ ءۇشىن سپورتشىنىڭ ەڭ جاقسى ۋاقىتى سانالادى. ەڭ باستىسى – تىركەلۋ جانە قاتىسۋدىڭ بارلىق شارتتارىن ورىنداۋ.
ول ءۇشىن Strava قوسىمشاسىندا جۇگىرۋ كورسەتكىشىن تىركەۋ كەرەك. ءارى قاراي ناتيجەلەر تەكسەرۋ پروتسەدۋراسىنان سوڭ www.jgr.kz سايتىندا جاريالانادى.
سونىمەن قاتار قاتىسۋدىڭ ماڭىزدى شارتتارىنىڭ ءبىرى – Instagram پاراقشاڭىزدا جارىس تۋرالى حابارلاما جاريالاۋ جانە #saryarkamarathonchallenge ءىس-شارا حەشتەگىن, نۇر-سۇلتان جەڭىل اتلەتيكا فەدەراتسياسىنىڭ @nsathleticskz, «Jugiru» پلاتفورماسىنىڭ @jgr.kz جانە سارىارقا اۋدانى اكىمدىگىنىڭ @saryarka.akimat پروفيلدەرىن بەلگىلەۋ.
كوكتال-1 تۇرعىن الابىنىڭ جاڭا ساياباعىندا قاشىقتىققا جۇگىرگەن قاتىسۋشىلارعا ءبىرىنشى ورىن ءۇشىن iPhone 12 بەرىلەدى. ەكىنشى جانە ءۇشىنشى ورىندار ءۇشىن قارجىلاي سىيلىقتار بار.
قالانىڭ باسقا بولىكتەرىندە جۇگىرگەن جانە قازاقستان رەسپۋبليكاسىنىڭ باسقا قالالارى مەن وبلىستارىندا, سونداي-اق رەسپۋبليكادان تىس جەرلەردە تۇراتىن قاتىسۋشىلارعا قارجىلاي سىيلىقتار بەرىلەدى. بارلىق جەڭىمپازدار مەن جۇلدەگەرلەر مەدالدارمەن جانە سەرتيفيكاتتارمەن ماراپاتتالادى. ەگجەي-تەگجەيلى اقپاراتتى jgr.kz رەسمي سايتىنان بىلۋگە بولادى.
