6 قازان كۇنى يندونەزيادا پارا ازيا ويىندارى سالتاناتتى تۇردە اشىلدى.
بۇل بايراقتى باسەكەدە ەل نامىسىن 91 سپورتشى قورعايدى. ولار سپورتتىڭ 9 ءتۇرى بويىنشا – ۇستەل تەننيسى, پارا دزيۋدو, پارا ءجۇزۋ, وق اتۋ, پارا پاۋەرليفتينگ, ساداق اتۋ, شاحمات, پارا جەڭىل اتلەتيكا جانە ۆولەيبولدان سىنعا تۇسەدى.
سونىمەن, قازاقستان قورجىنىنا العاشقى جۇلدەنى الينا سولودۋحينا سالدى. ول پارا پاۋەرليفتينگتەن 45 كگ سالماقتا ايەلدەر اراسىندا قولا جۇلدەگەر اتاندى. ونىڭ كورسەتكىشى – 66 كگ.
ال ەكىنشى قولا مەدالدى دميتري لي يەلەندى. لي باتتەرفلياي ادىسىمەن 100 مەترگە پارا جۇزۋدەن جارىستى.
بۇعان قوسا, ۆولەيبولدى وتىرىپ ويناۋدان جارىس جولىن باستاعان قازاقستان قۇراماسى العاشقى جەڭىسىنە جەتتى. كوماندامىز يراك قۇراماسىن 3:2 ەسەبىمەن ۇتتى.
سونداي-اق داۆيد دەگتيارەۆ 54 كگ سالماقتا پاۋەرليفتينگتە كۇش سىناپ, 157 كگ تەمىردى ەڭسەرىپ, كۇمىس جۇلدەگەر اتاندى.
