نۇر-سۇلتان قالاسىنىڭ اكىمى التاي كولگىنوۆ 8 وتباسىن جەكە سۇراقتارىمەن قابىلدادى. كەزدەسۋدە تۇرعىندار تاراپىنان تۇرعىن ءۇي الۋ, جۇمىسقا ورنالاسۋ, ءبىلىم بەرۋ, ۇيلەردى جىلۋمەن قامتاماسىز ەتۋ سياقتى ماسەلەلەر كوتەرىلدى. قالا باسشىسى كەزدەسۋدە قوزعالعان ماسەلەلەر بويىنشا اتقارىلىپ جاتقان ءىس-شارالاردىڭ بارىسىمەن تانىستىردى.
«ازاماتتاردى اپتا سايىن قابىلداۋ قالا تۇرعىندارىنىڭ ماسەلەلەرىن جۇيەلى تۇردە شەشۋگە مۇمكىندىك بەرەدى. بۇل جولى ونلاين-قابىلداۋدا تاعى 8 وتباسىن قابىلدادىم. بۇل دەگەنىمىز 20-دان استام سۇراق قارالدى دەگەن ءسوز» دەدى ا.كولگىنوۆ. اكىم قويىلعان ساۋالعا وراي قالاداعى يەسىز, قاراۋسىز قالعان جەلىلەر تۋرالى ايتتى. «ولاردىڭ جۇمىسىنداعى ۇزىلىستەر قالا ومىرىنە, ءومىر ءسۇرۋدىڭ جايلىلىعىنا تىكەلەي اسەر ەتەدى. يەسىز جاتقان جەلىلەردى انىقتاۋ باعىتىندا كوپ جۇمىس اتقارىلدى. سونىڭ ناتيجەسىندە ءبىز 450 ترانسفورماتورلىق قوسالقى ستانتسيانى, 1 مىڭ شاقىرىمنان استام ينجەنەرلىك جەلىلەردى قالا تەڭگەرىمىنە الدىق. بۇگىنگە دەيىن 15 300 شاقىرىم ينجەنەرلىك جەلىلەر تسيفرلاندىرىلدى. وسى باعىتتاعى جۇمىستار جالعاسۋدا» دەپ اتاپ ءوتتى ول.
التاي كولگىنوۆ ازاماتتاردى قابىلداۋ كەزىندە كەلىپ تۇسەتىن سۇراقتار قىسقا مەرزىمدى, ورتا مەرزىمدى جانە ۇزاق مەرزىمدى دەپ بولىنەتىنىن جەتكىزدى. ۇزاق مەرزىمدى ماسەلەلەر قالانىڭ جالپى دامۋ جوسپارىنا ەنگىزىلەدى.
التاي كولگىنوۆ, تۇرعىن ءۇي الۋ, جۇمىسقا ورنالاسۋ, ءبىلىم بەرۋ, ۇيلەردى جىلۋمەن قامتاماسىز ەتۋ, ترانسفورماتورلىق قوسالقى ستانتسيا, ينجەنەرلىك جەلىلەر تسيفرلاندىرىلدى. وسى باعىتتاعى جۇمىستار جالعاسۋدا» دەپ اتاپ ءوتتى ول.
