جاڭا ستانتسيا سالىنادى

ەلوردادا سورعى-ءسۇزۋ ستانتسياسىنىڭ قۇرىلىسى باستالدى. بۇل ستانتسيا قالانىڭ قۇرىلىس اۋداندارىن اۋىزسۋمەن قامتاماسىز ەتۋگە, سۋمەن جابدىقتاۋدىڭ قۋاتىن ارتتىرۋعا مۇمكىندىك بەرەدى. بۇل تۋرالى باس قالا ­باسشىسى التاي كولگىنوۆ ءمالىم ەتتى.
«اۋقىمدى جوبالاردىڭ ءبىرى – سورعى-ءسۇزۋ ستانتسياسىنىڭ (سسس) قۇرىلىسىنا كىرىستىك. سسس-3 الماتى اۋدانىندا سالىنىپ جاتىر. قالانى ارالاۋ كەزىندە قۇرىلىس جۇمىس­تارىنىڭ بارىسىمەن تانىس­تىم. سورعى-ءسۇزۋ ستانتسياسى قالانىڭ بولاشاق قۇرىلىس اۋداندارىن اۋىزسۋمەن قامتاماسىز ەتۋگە, سونداي-اق سۋمەن جابدىقتاۋدىڭ قازىرگى قۋاتىن ارتتىرۋعا مۇمكىندىك بەرەدى. قازىر ءبىز تاۋلىگىنە 290 مىڭ تەكشە مەتر سۋ تۇتىنامىز. جاڭا جوبانىڭ قۋاتتىلىعى – تاۋلىگىنە 105 مىڭ تەكشە مەتر» دەدى قالا باسشىسى.
اكىمنىڭ ايتۋىنشا, قازىرگى ۋاقىتتا جەر قازۋ جۇمىسى اياقتالدى. جوسپار بويىنشا, نىسان 2023 جىلى پايدالانۋعا بەرىلەدى. بۇل – قالانىڭ تىنىس-تىرشىلىگىن قامتاماسىز ەتۋ ءۇشىن وتە ماڭىزدى ستراتەگيالىق نىسان. «بۇدان باسقا, جاڭا ۇيلەر مەن بولاشاق قۇرىلىس اۋداندارىن جىلۋمەن جانە كارىز جۇيەسىمەن قامتاماسىز ەتۋ ءۇشىن №3 جىلۋ ەلەكتر ورتالىعىنىڭ (1-كەزەك, جىلۋمەن جابدىقتاۋ), №2 كارىزدىك-تازارتۋ نىسانىنىڭ قۇرىلىسى جۇرگىزىلىپ جاتىر» دەپ ءتۇسىندىردى ا.كولگىنوۆ.