قايىرىمدىلىق مارافونى

الداعى جەكسەنبى كۇنى ەلوردادا داستۇرگە اينالعان Astana Marathon-2018 حالىقارالىق مارافونى وتەدى.

قالا اكىمدىگىنىڭ حابارلاۋىنشا, ءىس-شاراعا قازاقستاننان بولەك, گەرمانيا, رەسەي, جاپونيا, يتاليا, وزبەكستان, ءباا, شۆەتسيا, وڭتۇستىك كورەيا, ۇلىبريتانيا, اقش, قىرعىز­ستان, فرانتسيا, تۇركيا, اۆستراليا, كەنيا, ەفيوپيا, ەريترەيا, گرۋزيا, ليۋكسەمبۋرگ جانە يسپانيا سىندى الەمنىڭ 20 مەملەكەتىنەن 4000-عا جۋىق ادام نيەت بىلدىرگەن. الايدا ۇيىمداستىرۋشىلار قاتىسۋشىلار سانى 5000-عا جۋىقتايدى دەگەن بولجام جاساپ وتىر.
مارافون قاشىقتىعىنىڭ باعىتىن IAAF (حالىقارالىق جەڭىل اتلەتيكا فەدەراتسيالارىنىڭ قاۋىمداستىعى) بەلگىلەگەن. سونىمەن قاتار 18-دەن اسقان جەلاياقتارعا 42,2 شاقىرىم, ال 16 جانە ودان جوعارى جاستاعىلارعا 10 شاقىرىم بەلگىلەنىپ وتىر. مالىمەتتەر بويىنشا ەڭ قاشىق ديستانتسياسىن جۇگىرىپ وتۋگە 6 ساعات ۋاقىت بەرىلەدى. بۇعان ۇلگەرمەگەن اتلەتتەر جارىس جولىنان شىعارىلادى.
ايتا كەتەرلىگى, الەمدىك جارىسقا قاتىسۋ ءۇشىن www.astana42k.com سايتىنان تىركەۋدەن ءوتۋ قاجەت. وعان قوسا, 42,2 شاقىرىمعا قاتىسۋ قۇنى 8000 تەڭگەنى قۇراسا, جاسوسپىرىمدەرگە 4000 تەڭگە بولماق. ءداستۇر بويىنشا جينالعان قارجى قايىرىمدىلىق جۇمىستارعا جۇمسالادى.
جەلاياقتار جارىسى 16 قىركۇيەك كۇنى ساعات 07:00-13:00 ارالىعىندا وتەدى. قاتىسۋشىلار جينالاتىن ورىن 06:00 كەزىندە رىسقۇلوۆ كوشەسىنىڭ تۇركىستان كوشەسىمەن قيىلىسىنداعى ر4 تۇراعىنا (ەكسپو-عا قارسى) بەلگىلەنىپ وتىر.