استانا قالاسىنداعى قازاقستان حالقى اسسامبلەياسى قۇرامىندا 5 مىڭ ادامنان قۇرالعان 23 ەتنومادەني بىرلەستىك جۇمىس ىستەيدى. اۋىزبىرشىلىك پەن ىنتىماقتاستىقتىڭ ارقاسىندا بارلىق ەتنوس وكىلدەرىنىڭ تاتۋلىعىن ساقتاپ وتىرعان اسسامبلەيا ەلىمىزدە جەتەكشى ءرول اتقارادى.
اسسامبلەيا كۇشىمەن بارلىق سالانى قامتيتىن ءتۇرلى قۇرىلىم اشىلعان. اتاپ ايتقاندا, 56 شىعارماشىلىق ۇجىم, 7 ەتنولينگۆيستيكالىق بىرلەستىك, عىلىمي-ساراپتامالىق توپ, انالار كەڭەسى, ەلورداداعى «اسسامبلەيا جاستارى» رقب وكىلدىگى, اقساقالدار كەڭەسى, «پاراسات» قايىرىمدىلىق قىزمەتتى ۇيلەستىرۋ ورتالىعى, «انالار اماناتى» قولونەر شىعارماشىلىعى ورتالىعى, «مامىلە» قازاق ءتىلى پىكىرتالاس كلۋبى, مەدياورتالىق, جۋرناليستەردى بىرىكتىرۋ كلۋبى, دىبىس جازۋ ستۋدياسى, بلوگەرلەر كلۋبى, ANK Live, مەدياتسيا كابينەتى قارقىندى جۇمىس ىستەيدى.
ەلوردالىق ەتنومادەني ورتالىقتار قالالىق جانە رەسپۋبليكالىق دەڭگەيدەگى بارلىق ءىس-شاراعا بەلسەنە اتسالىسادى. استاناداعى دوستىق ءۇيىن قالالىق اسسامبلەيانىڭ بەت-بەينەسى دەسە بولادى. ول – رەسۋرستىق, اقپاراتتىق-ادىستەمەلىك, حالىقارالىق جانە وڭىرارالىق ىنتىماقتاستىقتىڭ ورتالىعى. دوستىق ءۇيى قاجەتتى كورمە جابدىقتارى, اۋديو-بەينە اپپاراتۋرا, پوليگرافيالىق تەحنيكامەن تولىق جابدىقتالعان, وندا كونفەرەنتسيالار, دوڭگەلەك ۇستەلدەر, كەزدەسۋلەر وتكىزۋگە جاقسى جاعداي جاسالعان. تىكەلەي ەفيردە شىعاتىن اNK Live ستۋدياسى رەسپۋبليكالىق جانە حالىقارالىق دەڭگەيدە ءىس-شارالار وتكىزۋگە مۇمكىندىك بەرەتىن قۇرال-جابدىقتارمەن جاساقتالعان. شىعارماشىلىق ۇجىمدار ءان جازدىرىپ, مۋزىكا ارلەۋگە ارنالعان دىبىس جازۋ ستۋدياسى اسسامبلەياعا قاراستى ورتالىقتار جۇمىسىن جانداندىرىپ كەلەدى. اتالعان ستۋديانىڭ ءبىر ەرەكشەلىگى – قازاق مۋزىكالىق شىعارمالارىن ءتۇرلى ەتنوستىڭ ۇلتتىق اسپاپتارىندا ويناۋ ارقىلى ءدۇيىم ەلگە كورسەتەتىن بىرەگەي جوبانى جۇزەگە اسىراتىنى. اتاپ ايتساق, بۇعان مىسال رەتىندە ابايدىڭ «كوزىمنىڭ قاراسى» ءانىن, «القيسسا» مەن «كوروعلى» كۇيلەرىن وزگە ۇلتتاردىڭ اسپاپتارىندا ويناپ, سونى دىبىستىق جازباعا ءتۇسىرۋ جۇمىستارىن اتاۋعا بولادى. ودان باسقا, بەلارۋس مادەني ورتالىعى توراعاسىنىڭ «راديما» انىنە, «شابىت» قازاق ۇلتتىق ۋنيۆەرسيتەتى دەكانىنىڭ «ءبىز – قازاقستاندىقتار» انىنە كليپ ءتۇسىرىلدى. دوستىق ءۇيىنىڭ 5 جىلدىعىنا وراي «دوستىق ءۇيى» ءانىنىڭ تۇساۋى كەسىلىپ, قازاقستان حالقىنىڭ بىرلىگى كۇنىنە وراي «مەنىڭ قازاقستانىم» انىنە بەينەبايان دايىندالدى.
تاۋەلسىز قازاقستان مەن ەلوردامىزدىڭ قالىپتاسۋىنا ۇلەس قوسقان ءتۇرلى ۇلتتىڭ ەڭبەگى ەرەن ازاماتتارى تۋرالى «اسسامبلەيا. تۇلعا. تاعدىر» اتتى بەينەروليك ءتۇسىرۋ جوباسى جۇزەگە اسۋدا. سەبەبى قاتارداعى ازاماتتاردىڭ تاعدىرى ارقىلى وسىندا وتانىن تاۋىپ, قازاقستان حالقىنىڭ قۇرامىنا كىرگەن ەتنوستار تاريحى جاسالادى. وسى رەتتە قالالىق اسسامبلەيا ەتنوستار اراسىنداعى كەلىسىم مەن تولەرانتتىقتى نىعايتۋعا باعىتتالعان مازمۇندى دا تارتىمدى كوپتەگەن ءىس-شارانىڭ ۇيىتقىسى بولۋدا.
اسسامبلەيا مۇرىندىق بولعان ەڭ تانىمال ءىس-شارالاردىڭ قاتارىندا قازاقستان حالىقتارى دوستىعىنىڭ قالالىق فەستيۆالىن, «جاستار جولى» كوشپەلى جاستار لاگەرىن, العىس ايتۋ كۇنى اياسىنداعى قايىرىمدىلىق اكتسيالارىن, قاسيەتتى جەرلەرگە ساياحاتتاۋدى, ۇلتتىق دومبىرا كۇنىن تويلاۋدى, «التىن كۇن» پاتريوتتىق اندەردىڭ بالالار فەستيۆالىن اتاۋعا بولادى.
حالىق ديپلوماتياسى تاجىريبەسىن دامىتا وتىرىپ, دوستىق ءۇيى ۇنەمى ءوز الاڭىندا شەتەلدىك دەلەگاتسيالاردى قابىلدايدى. 2022-2024 جىلدار ارالىعىندا دوستىق ۇيىندە رەسەي, پولشا, گەرمانيا, قىرعىزستان, ازەربايجان, باشقۇرتستان, ارمەنيا ەلدەرىنەن دەلەگاتسيالار كەلدى. وسىلايشا دوستىق ءۇيى كەزدەسۋ مەن پىكىرسايىس الاڭىنا اينالدى. ەلوردا مەن قالالىق اسسامبلەيا ومىرىندەگى ماڭىزدى وقيعانىڭ ءبىرى – سينگاپۋر ەلىنىڭ بۇرىنعى پرەزيدەنتى حاليما ياكوب باستاعان دەلەگاتسيانىڭ كەلۋى. سوندا وتكەن دوڭگەلەك ۇستەل بارىسىندا قازاقستان حالقى اسسامبلەياسىنىڭ ەكى ەل حالقىنىڭ گۋمانيتارلىق بايلانىسىن دامىتۋ, ەتنوسارالىق قارىم-قاتىناستى ۇيلەستىرۋدە ماڭىزدى ينستيتۋت رەتىندەگى قىزمەتى تانىستىرىلدى. سونىمەن قاتار ەلوردالىق دوستىق ۇيىندە نۇرلان شاكيەۆ توراعالىق ەتەتىن قىرعىزستاننىڭ جوگوركۋ كەنەش دەلەگاتسياسى قوناقتا بولدى. رەسمي كەزدەسۋ كەزىندە اسسامبلەيا قىزمەتىمەن
تانىسىپ, ونىڭ جۇمىسىنا جاقسى باعا بەردى.
2023-2024 جىلدارى قالادا اسسامبلەيانىڭ مۇرىندىق بولۋىمەن 282 ءىرى ءىس-شارا, سونىڭ ىشىندە 18 حالىقارالىق, 20 رەسپۋبليكالىق, 244 قالالىق ءىس-شارا وتكەن.
