قالانى كوركەيتەتىن كاسىپورىندار
نۇر-سۇلتان قالاسى ءماسليحاتىنىڭ بيۋدجەت, ەكونوميكا, ونەركاسىپ جانە كاسىپكەرلىك ماسەلەلەرى جونىندەگى تۇراقتى كوميسسياسىنىڭ مۇشەلەرى «استانا-تازالىق» جشس جانە «استانا-زەلەنستروي» جشس-ىنە جۇمىس ساپارمەن بارىپ قايتتى
كوكتەمگى كەزەڭدە قالانى قوقىستان تازارتۋ, سۋ تاسقىنىنا قارسى ءىس-شارالاردى جۇرگىزۋ, اعاشتار مەن بۇتالاردى وتىرعىزۋ باعىتىندا بۇل سەرىكتەستىكتەردىڭ اتقارعان, الدا اتقارار جۇمىستارى از ەمەس. ەلوردانىڭ كوركەيۋىنە «استانا-تازالىق» جانە «استانا-زەلەنستروي» كاسىپورىندارى قىزمەتكەرلەرى كۇندەلىكتى ەڭبەكتەرىمەن ۇلكەن ۇلەس قوسۋدا.
«استانا-تازالىق» باسشىلىعى دەپۋتاتتارعا تازالاۋ تاريفتەرىنىڭ تومەندىگىن جەتكىزدى. قازىر كومپانيا بيۋدجەتىنە تۇسەتىن تۇسىمدەر شىعىنداردى وتەمەيدى. ال جۇمىسشىلاردىڭ جالاقىسىن كوتەرىپ, ماتەريالدار مەن قوسالقى بولشەكتەردىڭ باعاسىن رەتتەۋ كەرەك.
ءماسليحات دەپۋتاتتارى كومپانيالار باسشىلىعىمەن ۇيىمداردىڭ قارجىلىق كورسەتكىشتەرىن تالقىلادى. كاسىپورىندار اۋتسورسينگ ارقىلى نەگىزگى وپەراتسيالىق پروتسەستەردى باسقارۋ ءۇشىن اۆتوماتتاندىرىلعان جۇيەلەردى ەنگىزىپ, قىزمەتتەر مەن جۇمىستاردىڭ باسەكەگە قابىلەتتىلىگىن كۇشەيتۋدى جوسپارلايدى. ماتەريالدىق-تەحنيكالىق بازانى جاڭارتىپ, كادر ماسەلەسىن كۇشەيتپەك.