ەلوردادا ءداستۇرلى تۇردە بالالار مەن جاسوسپىرىمدەر اراسىنداعى قالالىق حV-ءشى «شاتتىق-2022» شىعارماشىلىق بايقاۋى ءوتىپ جاتىر.
اتالعان شارا نۇر-سۇلتان قالاسى اكىمدىگىنىڭ جانە ونەر مەكتەپتەرىنىڭ ۇيىمداستىرۋىمەن 15-ءشى رەت وتكىزىلۋدە. ونداعى ماقسات – بالالار مەن جاسوسپىرىمدەرگە ءوز دارالىقتارى مەن داعدىلارىن تانىتۋعا مۇمكىندىك بەرۋ, سونداي-اق شىعارماشىلىق الەۋەتتى دامىتىپ, كاسىبي بىلىكتىلىكتى جوعارىلاتۋعا كومەكتەسۋ.
نۇر-سۇلتان قالاسى اكىمدىگىنىڭ «№1 ونەر مەكتەبى» مكقك ديرەكتورى فارحاد سابيەۆتىڭ سوزىنشە, بۇگىنگى شارا بالالاردى شىعارماشىلىققا ۇيرەتەدى. «شاراعا نۇر-سۇلتان قالاسىنداعى 54 مەكتەپتەن 171 بالا قاتىسۋدا. نەگىزگى ماقساتى – بالالاردىڭ ونەرگە دەگەن قۇشتارلىعىن اشۋ, ساحناعا بەيىمدەۋ. وزدەرىڭىز بىلەتىندەي, پرەزيدەنت تاپسىرماسىنا سايكەس, بيىل «بالالار جىلى» دەپ جاريالاندى. قاسىم-جومارت توقاەۆ ايتقانداي, بالالارعا ەرەكشە نازار اۋدارۋ كەرەك. سەبەبى ولاردىڭ اماندىعى – مەملەكەتىمىزدىڭ جارقىن بولاشاعىنىڭ سەنىمدى كەپىلى. سوندىقتان دا بۇگىنگى شارا وسىعان بايلانىستى ءوتىپ وتىر دەسەم بولادى» دەدى ف.سابيەۆ.
قازىلار القاسىنىڭ مۇشەسى, قازاق ۇلتتىق ونەر ۋنيۆەرسيتەتىنىڭ وقىتۋشىسى داۋلەت تاپەنوۆتىڭ ايتۋىنشا, بالالار مەن جاسوسپىرىمدەردىڭ دايىندىعى جوعارى دارەجەدە. «شاتتىق» شاراسى – ونەرلى بالالاردى قولداۋعا كومەكتەسەتىن بايقاۋ. جىل سايىن ءوتىپ تۇرادى. بالالاردى شىعارماشىلىققا باۋليدى جانە جاس ونەرپازداردىڭ حالىق الدىنا ونەر كورسەتۋىنە تاپتىرمايتىن مۇمكىندىك دەپ ويلايمىن. ۇيىمداستىرۋشىلارعا العىس بىلدىرەمىن» دەدى ول.
