كەشە كونگرەسس-حولل سارايىندا قارتتار كۇنىنە ارنالعان كونتسەرت ءوتتى. سالتاناتتى شاراعا ەلورداداعى قاريالار قاتىسىپ, كوركەمونەرپازداردىڭ ونەرىن تاماشالادى.
جۇمىسپەن قامتۋ جانە الەۋمەتتىك باعدارلامالار باسقارماسى ۇيىتقى بولعان كوڭىلدى باسقوسۋدا استانا مەملەكەتتىك فيلارمونياسىنىڭ ارتىستەرى ءان-كۇيلەرىن ۇسىندى. كوپشىلىك حالىق اندەرىمەن قاتار, شەتەل كلاسسيكتەرىنىڭ تۋىندىلارىن دا تىڭدادى. استانالىق اق جاۋلىقتى انالار مەن اق ساقالدى قاريالارعا اقجارما تىلەكتەر مەن لەبىزدەر ايتىلدى. «بۇل ءان-دۋمان ءبىزدىڭ ويىمىزدان شىقتى, كوڭىلىمىزدى ءبىر ساتكە كوتەردى. ونەرلى ۇل-قىزدارىمىزدىڭ اسەم سازدى ورىنداۋلارى بۇدان كەيىن دە جالعاسادى دەگەن ويدامىز» دەيدى ءبىر توپ قاريا. شارانى ۇيىمداستىرۋدىڭ باسى-قاسىندا جۇرگەن باسقارمانىڭ باس مامانى جۇمابەكەن نۇرماعانبەتوۆا بارلىق يگى ءىسىمىز قارتتار ءۇشىن ەكەنىن ايتادى. «اتاۋلى كۇندە ءۇنسىز قالعاندى ءجون سانامادىق. قاريالاردى ءبىر قۋانتساق دەپ نيەتتەندىك. مىنە, ۇلكەندەردىڭ كوڭىلى حوش, ريزا» دەيدى ول.
