قاتارىنان ەكى رەت ۇتىلدى
2020 جىلى فۋتبولدان وتەتىن ەۋروپا چەمپيوناتىنىڭ ىرىكتەۋ تۋرنيرىندە قازاقستان قۇراماسى ءوز الاڭىندا وتكىزگەن ەكى ويىندا دا ۇتىلىپ قالدى.
بۇگىنگى تاڭدا فيفا رەيتينگى بويىنشا ءبىرىنشى ورىندا تۇرعان بەلگيا قۇراماسىنىڭ نۇر-سۇلتانعا كەلۋىنىڭ ءوزىن جەتىستىككە بالاعان جانكۇيەر قاۋىم شىن مانىندە ازار مەن كۋرتۋانى, مارتەنس پەن فەللاينيدى كورگەنىنە ءماز بولدى. ال ويىن جايىندا ايتساق, ىرىكتەۋ تۋرنيرىندە بىردە-ءبىر ۇپاي جوعالتپاي كەلە جاتقان بەلگيا ءبىزدىڭ فۋتبولشىلاردى دا ەمىن-ەركىن ۇتتى. ەسەپ 2:0 بولدى.
ال وسىعان دەيىنگى ويىندا ەۋروپاداعى ورتاڭقول كيپر كومانداسىنان 1:2 ەسەبىمەن جەڭىلگەن ەدى.
ءبىزدىڭ توپتا سەگىزىنشى تۋردان كەيىن بەلگيا – ءبىرىنشى, رەسەي قۇراماسى ەكىنشى ورىندا كەلەدى. ال قازاقستان بولسا شوتلانديا مەن كيپردى العا وزدىرىپ بەسىنشى ورىنعا ىعىسىپ, چەمپيوناتتان مۇلدەم كۇدەر ءۇزدى. ارتىمىزدا تەك بىردە-ءبىر ۇپايى جوق سان-مارينو ارالى تۇر.