[wppa type=»slideonly» album=»43″ size=»auto»][/wppa]
نازارباەۆ ورتالىعىندا «قۇلپىرعان كوكتەم» اتتى ەلوردالىق ايەل سۋرەتشىلەردىڭ كورمەسى اشىلدى. ءىس-شارا 8 ناۋرىز – حالىقارالىق ايەلدەر كۇنىنە ارنالىپ وتىر.
كورمەنىڭ اشىلۋىندا «نازارباەۆ ورتالىعى» مم ديرەكتورىنىڭ عىلىمي-گۋمانيتارلىق جۇمىس جونىندەگى ورىنباسارى, سۋرەتشى لەيلا ماحات ءسوز سويلەدى: «بۇگىنگى كورمەنى ءسىز بەن ءبىز جاي عانا تاماشالاپ قويمايمىز. بىرىنشىدەن, بارلىق تۋىندىلاردىڭ اۆتورلارى وسىندا. ەكىنشىدەن, سۋرەتشىلەر وداعىنان ارىپتەستەرى مەن دوستارى دا كەلىپ قۇربىلارىنا قولداۋ تانىتۋدا. ۇشىنشىدەن, ءىس-شاراعا جاستار كوپ جينالعان. جاستاردىڭ ونەرگە قىزىعۋشىلىق تانىتۋى, ۇلگى الۋى ماڭىزدى دەپ ويلايمىن», – دەگەن ول جينالعانداردى مەرەكەمەن قۇتتىقتاپ, جىلى لەبىزىن ءبىلدىردى.
كورمەگە حالىق سۋرەتشىلەرى گۇلفايرۋس يسمايلوۆانىڭ «اكتريسانىڭ پورترەتى», ايشا عالىمباەۆانىڭ «باۋىرساقتار ناتيۋرمورتى» ءتارىزدى تانىمال تۋىندىلارى قويىلعان. سونداي-اق, كورەرمەن قاۋىم ا.الپىسباەۆا, ر.احمەتجانوۆا, ل.ديركسەن, ا.ەسىموۆا, ل.جانپەيىسوۆا, ب.زاۋىربەكوۆا, س.قارجاۋباەۆا, ن.ليگاي, ن.قيقىموۆا, ۆ.سلابوسپيتسكايا, ا.كولكە, ت.ماجيتوۆا, م.مىرزابەكوۆا, گ.تاتىباەۆا, گ.تەلعوزيەۆا, ن.تەرەششەنكو, ا.سۇلەەۆا سىندى تاعى 17 سۋرەتشىنىڭ كەنەپكە جان بىتىرگەن, تەرەڭ قيالىنان تۋعان عاجايىپ الەمىمەن تانىسا الادى. سۋرەتتەردە نازىكتىكپەن قاتار, كۇردەلى ءتىپتى, كەي ساتتەرى تۇسىنىكتى بولا بەرمەيتىن جۇرەگى سىرعا تولى ەموتسيالار ۇشىراسادى.
ايەل زاتىنىڭ سۇلۋلىعى سۋرەتشى ارۋلارىمىزدىڭ قىلقالامىنان شىققان كارتينالاردا ايقىن كورىنگەن.
ەركەجان ساتىمبەك
