بارشاڭىزدى «استانا اقشامى» جانە «ۆەچەرنيايا استانا» گازەتتەرىنىڭ 30 جىلدىق مەرەيتويىمەن شىن جۇرەكتەن قۇتتىقتايمىن!
باسىلىمدار وسى جىلدار ىشىندە ءوسۋ-وركەندەۋ كەزەڭدەرىنەن ءوتتى. ەلوردالىق گازەتتەر قالانىڭ تىنىس-تىرشىلىگىن عانا ەمەس, جالپى حالىقتىڭ جاعدايىن, ەلدىڭ ساياسي-ەكونوميكالىق, الەۋمەتتىك دامۋىن, مادەنيەت پەن رۋحانياتتى ءوندىرتىپ جازىپ, قالىڭ وقىرماننىڭ ىقىلاسىنا بولەنىپ ءجۇر.
سىزدەردى ۇلت ۇستازى احمەت بايتۇرسىنۇلىنىڭ «گازەت – حالىقتىڭ كوزى, قۇلاعى ءھام ءتىلى» دەگەن ۇلاعاتتى ءسوزىن بەرىك ۇستانىپ كەلە جاتقان قارىمدى قالامگەرلەر, كاسىبي جۋرناليستەر دەپ بىلەمىز.
سىزدەردىڭ جازعان ءاربىر ماقالالارىڭىز, كوتەرگەن ماسەلەلەرىڭىز حالىقتىڭ مۇڭ مەن مۇقتاجىن, ويى مەن پىكىرىن, تالابى مەن تىلەگىن قاۋزاپ, قوعام دامۋىنا ەلەۋلى ۇلەس قوسىپ كەلەدى. مەملەكەت پەن قوعام اراسىنداعى التىن كوپىردەي سىزدەردىڭ ەڭبەكتەرىڭىزدى جاقسى بىلەمىن جانە جوعارى باعالايمىن.
ۇجىمدارىڭىزعا شىعارماشىلىق تابىس, ءار قىزمەتكەردىڭ وتباسىنا باق-بەرەكە تىلەيمىن!
قاسىم-جومارت توقاەۆ,
قازاقستان رەسپۋبليكاسىنىڭ پرەزيدەنتى
