اسقار مامين,
قازاقستان رەسپۋبليكاسىنىڭ
پرەمەر-ءمينيسترى
قۇرمەتتى قالامگەرلەر, رەداكتسيا ۇجىمى!
سىزدەردى «استانا اقشامى» رەسپۋبليكالىق قوعامدىق-ساياسي گازەتىنىڭ
30 جىلدىق مەرەيتويىمەن شىن جۇرەكتەن قۇتتىقتايمىن!
ەلىمىزدىڭ باس قالاسىمەن بىرگە جاساپ, ۇزدىكسىز دامىپ كەلە جاتقان باسىلىم بۇگىندە تاۋەلسىزدىك جىلناماسىنا, ۇلتتىق ءباسپاسوزىمىزدىڭ ىرگەلى ورداسىنا اينالدى. سىزدەر قوعامدىق-ساياسي ومىردەگى ەلەۋلى وقيعالاردى, الەۋمەتتىك-ەكونوميكالىق رەفورمالاردى كەڭ كولەمدە ناسيحاتتاپ قانا قويماي, رۋحاني قۇندىلىقتارىمىزدى بايىتۋ ارقىلى دا وقىرمان قاۋىمنىڭ جۇرەگىنە جول تاۋىپ كەلەسىزدەر. بۇل ورايدا ايتۋلى باسىلىمدا قولتاڭبالارى قالعان كورنەكتى تۇلعالارىمىزدىڭ, ءتىل جاناشىرلارىنىڭ ىزگى ءداستۇرىن جالعاستىرعان سىزدەردەي كاسىبي ۇجىمنىڭ ەڭبەكتەرى قانداي قۇرمەتكە دە لايىق.
«استانا اقشامى» گازەتى الداعى ۋاقىتتا دا ەلدىكتى, قوعامداعى تۇراقتىلىقتى نىعايتۋعا قولداۋ كورسەتىپ, اقپاراتتىق كەڭىستىكتەگى ورنى كوش ىلگەرى بولاتىنىنا سەنىمدىمىن.
ءاردايىم وقىرماندارىڭىز ەسەلەي ءوسىپ, ەل يگىلىگى جولىنداعى ەڭبەكتەرىڭىز جانا بەرسىن. بارشاڭىزعا زور دەنساۋلىق, شىعارماشىلىق شابىت, تولايىم تابىس تىلەيمىن.
قۇرمەتتى «استانا اقشامى» گازەتىنىڭ ۇجىمى!
قالانىڭ جىلناماسىن جازىپ كەلە جاتقان «استانا اقشامى» ۇجىمىن گازەتتىڭ جارىق كورگەنىنە 30 جىل تولۋىمەن شىن جۇرەكتەن قۇتتىقتايمىن!
تۇرعىندارعا قالانىڭ تىنىس-تىرشىلىگىن بايانداپ قانا قويماي, ەل رۋحانياتىنىڭ ماڭىزدى ماسەلەلەرىن كوتەرىپ, مەملەكەتىمىزدىڭ مادەني-رۋحاني تۇرعىدا دامۋىنا ۇلەس قوسىپ كەلە جاتقان گازەتتىڭ وركەندەي بەرۋىنە تىلەكتەسپىن!
ەڭبەكتەرىڭىزگە تابىس تىلەي وتىرىپ, ەلوردامىزدىڭ قوعامدىق ءومىرىن ودان ءارى ىلگەرىلەتۋ جولىنداعى جۇمىستارىڭىزعا العىسىمدى ايتامىن.
ىزگى تىلەكپەن,
التاي كولگىنوۆ,
نۇر-سۇلتان قالاسىنىڭ اكىمى
ايدا بالاەۆا,
اقپارات جانە قوعامدىق دامۋ ءمينيسترى
قۇرمەتتى «اقشامدىقتار»!
ۇجىمدى «استانا اقشامى» گازەتىنىڭ 30 جىلدىق مەرەيتويىمەن شىن جۇرەكتەن قۇتتىقتايمىن!
ءباسپاسوز – تەك اقپارات تاراتۋشى قۇرال ەمەس, مەملەكەتتىڭ ساياساتىن سارالاپ, حالىقتىڭ پىكىرىن دارالايتىن, سول ارقىلى قوعامنىڭ دامۋىن باعالايتىن كۇش. بۇل رەتتە «استانا اقشامى گازەتى» شىن مانىندە جازعانى جارياعا, ءار ماقالاسى قازىناعا بالانعان بىرەگەي باسىلىم.
«اقمولا اقيقاتى» اتاۋىمەن ءباسپاسوز ايدىنىنا العاش قانات قاققان گازەت, ۋاقىتپەن بىرگە جاڭارىپ, ەلوردامەن بىرگە ەسەيدى. باس شاھاردىڭ اقپارىن ارقالاپ تۇرعان بۇگىنگى «استانا اقشامى» – ەلىمىزدىڭ ەڭ وزىق باسىلىمدارى دەڭگەيىندە قالانىڭ رۋحاني ولشەمىنە, ونىڭ تىرشىلىك-تىنىسىنىڭ اجىراماس بولشەگىنە اينالدى.
ارينە ءار ءارپىنىڭ ارتىندا ەسەلى وي ەڭبەگى كورىنەتىن باسىلىم بەدەلىنىڭ تۇبىندە – رەداكتسيا جۋرناليستەرىنىڭ قىرۋار قاجىر-قايراتى جاتىر. سونىڭ ىشىندە گازەتتى ءار جىلدارى باسقارعان – كەنجە جۇماعۇلوۆ, جۇماگۇل ساۋحات, ماعجان سادىحانوۆ, نۇرتورە ءجۇسىپ, امانتاي ءشارىپ, ەربولات قامەنوۆ جانە بۇگىنگى ەركىن قىدىر سياقتى باس رەداكتورلاردىڭ دا ۇلەسى وراسان. ەڭبەك جولىن وسى گازەتتەن باستاعان تالاي جاس ءتىلشى قاناتىن قاتايتىپ, ەلگە تانىمال جازارمان جۋرناليست, تالانتتى پۋبليتسيستكە اينالدى.
گازەت ۇجىمىمەن تىعىز بايلانىستا ەلوردامىز ءۇشىن ەڭبەك ەتكەن جىلدارىمدى, ءوز ءومىربايانىمنىڭ جارقىن بەلەستەرىنىڭ ءبىرى رەتىندە قاشاندا ەرەكشە سەزىممەن ەسكە الامىن.
ەل ەگەمەندىگىمەن بىرگە ەسەيىپ كەلە جاتقان ەلوردانىڭ باس باسىلىمىنىڭ رۋحاني-شىعارماشىلىق الەۋەتى ءوز بيىگىنەن تۇسپەسىن! قاشاندا قالامدارىڭىز جۇيرىك, مۇراتتارىڭىز بيىك بولا بەرسىن.
بارشاڭىزدىڭ دەندەرىڭىزگە ساۋلىق, وتباسىلارىڭىزعا اماندىق, شىعارماشىلىقتارىڭىزعا تابىس تىلەيمىن!
اقتوتى رايىمقۇلوۆا,
قازاقستان رەسپۋبليكاسى
مادەنيەت جانە سپورت ءمينيسترى
قۇرمەتتى باس قالا باسىلىمنىڭ ۇجىمى!
سىزدەردى مادەنيەت جانە سپورت مينيستىرلىگىنىڭ اتىنان باسىلىمنىڭ 30 جىلدىق مەرەيتويىمەن شىن جۇرەكتەن قۇتتىقتايمىن!
العاشىندا «اقمولا اقيقاتى» اتالىپ, اپتاسىنا ءبىر رەت وقىرمانعا جول تارتقان گازەت بۇگىندە ەگەمەن ەلىمىزبەن قاتار تالاي بەلەستى باعىندىرىپ, دامىپ كەلەدى. ۋاقىت تالابىنا ساي اتاۋى وزگەرگەن باسىلىم ۇلتتىق قۇندىلىقتارىمىز بەن ءتول ونەرىمىزدى دارىپتەپ, ساليقالى ۇرپاق قالىپتاستىرۋعا سۇبەلى ۇلەس قوسىپ, جىل وتكەن سايىن وقىرمان اياسىن كەڭەيتىپ جاتىر. اركەز ۇلى دالا ەلىنىڭ جاقسىلىقتارىن جارقىراتا كورسەتىپ, كەمشىن تۇستارىن سىن تەزىنە الىپ, سان سالاداعى كوكەيكەستى ماسەلەلەرگە ءۇن قوسىپ كەلە جاتقان «استانا اقشامى» تالعامپاز وقىرماننىڭ جوعارى باعاسىنا يە.
وسىنداي تولىمدى تىرلىكتىڭ ارقاسىندا ىرگەلى باسىلىم كوزقاراسى مەن ۇستانىمىنا بەرىك كوپتەگەن ءجۋرناليستىڭ تۇلعا بولىپ قالىپتاسۋىنا وڭ ىقپالىن تيگىزدى. رەداكتسيا ۇجىمى الدىڭعى بۋىن سالىپ كەتكەن كاسىبي سارا جولدى ابىرويمەن جالعاستىرىپ, تالعامى بيىك وقىرماندى ساپالى دۇنيەلەرمەن سۋسىنداتا بەرسىن.
الداعى ۋاقىتتا دا «استانا اقشامى» كەلەلى كەلەشەك پەن باياندى بولاشاق جولىندا قوعامدى بىرىكتىرىپ, ەرەن ەڭبەكتىڭ كوشىن باستاپ جۇرە بەرۋىنە تىلەكتەسپىن.
وسىناۋ ەرەكشە ءساتتى پايدالانا وتىرىپ, ۇجىمعا شىعارماشىلىق شابىت, جەمىستى جۇمىس, تولايىم تابىس تىلەيمىن!
قوس باسىلىم قىزمەتكەرلەرى!
«استانا اقشامى» مەن «ۆەچەرنيايا استانا» رەسپۋبليكالىق قوعامدىق-ساياسي گازەتتەرىنىڭ ۇجىمىن 30 جىلدىق مەرەيتويلارىڭىزبەن قۇتتىقتايمىن!
«استانا اقشامى» مەن «ۆەچەرنيايا استانا» گازەتتەرى – ەلىمىز بەن ەلوردامىزداعى ماڭىزدى قوعامدىق-ساياسي, الەۋمەتتىك-ەكونوميكالىق جانە رۋحاني-مادەني ماسەلەلەردى ءوز دەڭگەيىندە كوتەرىپ كەلە جاتقان بىرەگەي اقپارات قۇرالدارى. استانامىز نۇر-سۇلتان قالاسىنىڭ ەكونوميكالىق جانە مادەني دامۋىندا دا باس باسىلىمنىڭ الار ورنى ەرەكشە.
بۇگىندە نۇر-سۇلتان قالاسى رەسپۋبليكامىزداعى تەك ساياسي استانا عانا ەمەس, سونىمەن قاتار ورتا ازيا مەن تمد ەلدەرىنىڭ ەكونوميكالىق جانە قارجىلىق ورتالىقتارىنىڭ بىرىنە اينالىپ ۇلگەردى. بۇل تۇرعىدا «Elorda Aqparat» جشس پەن «استانا» حالىقارالىق قارجى ورتالىعىنىڭ قىزمەتى ءوزارا ۇندەس. ەلوردامىزدىڭ حالىقارالىق دەڭگەيدەگى قارجى ورتالىعىنا اينالۋىندا دا «استانا اقشامى» جانە «ۆەچەرنيايا استانا» گازەتتەرىنىڭ قوسقان ۇلەسى وراسان. الداعى ۋاقىتتا دا ەلىمىز بەن ەلوردامىزدىڭ ءارى قاراي وركەندەۋى جولىندا ءوزارا ىنتىماقتاستىعىمىزدى ودان سايىن نىعايتۋعا دايىنبىز.
ءوزىڭىز باستاعان ۇجىم قىزمەتكەرلەرىنە شىعارماشىلىق تابىس پەن ەڭبەكتەرىڭىزگە جەمىس تىلەيمىن.
ىزگى نيەتپەن,
قايرات كەلىمبەتوۆ,
احقو باسقارۋشىسى
